E Tatau Ona Tatou Ola Paia e Ala i le Maua o le Faamagaloina o a Tatou Agasala Faia i le Lagi
Auā e silasila le Atua i loto o tagata, ma e leai se mea e lilo ia te Ia. O mea uma e faia e le tagata i le olaga o le a faaalia i luma o le nofoa faamasino o le Atua, ma o le a faamasinoina tagata taitoatasi e tusa ma a latou galuega. O le mea lea, o loo faapea mai ai le Tusi Paia, “ia outou nonofo ma le mata‘u, a o outou a āumau iinei.”
E tausia e tagata o le ekalesia le Tulafono a le Atua ma taumafai e ola paia e pei o le Atua.
E tusa ma a'oa'oga a Keriso Ahnsanghong ma Le Atua Tina na fetalai, "So'o se mea tou te faia i se tasi e aupito fa'atauva'a o i latou nei, ua tou faia mo A'u," e fe'auauna'a'i ma le lotomaualalo ma fealofani tagata o Le Ekalesia a le Atua. E lē gata i lea, ua fai ma lesona le fa'aumatiaga na māfua i le muimui o Isaraelu, ma le amio lē mamā a atali'i o le ositaulaga o Hofinai ma Fineaso, ma latou taumafai pea e ola paia i le fa'atuatua.
auā ua tusia, Ia paia outou, auā o a‘u nei e paia lava a‘u. Afai foi tou te valaau atu i le Tamā o le na te le faailogaina tagata, o le na te faamasino e tusa ma le galuega a tagata e taitoatasi, ia outou nonofo ma le mata‘u, a o outou a āumau iinei. I. Peteru 1:16–17
Se‘i tatou faalogo ia i le iuga o ia mea uma, Ia e mata‘u i le Atua, ma e anaana i ana poloaiga; auā o mea ia e tatau i tagata uma. Auā e faamasinoina e le Atua galuega uma, atoa ma mea lilo uma lava, o mea lelei atoa ma mea leaga. Failauga 12:13–14
- Aso Tusia
- 2026 Nov 13
- Tigāalofa
- 0
