Ka Ñiam ka Jinglait jong U Blei

Ka Baibl ka phla ba kita kiba rakhe ia ka ain U Blei
ki long kita kiba tip ia U Blei.

Bad ha kane ngi tip ba ngi ithuh ia u, lada ngi sumar ia ki hukum jong u. Uta uba ong, “Nga ithuh ia u,” bad ubym sumar ia ki hukum jong u, u long uba lamler, bad kata ka jingshisha kam don ha u. 1 U Ioannis 2:3-4

Ka Niam ka jinglait, ka jingkhawai niam ba la pynskhem da U Blei lade hi

Ka Niam ka jinglait ka dei ka mat-pdeng jong ka jutang bathymmai
ba la iathuhlypa ban pynlong ain da U Blei. U Blei u buh ia ka lynti
ka jingim bymjukut bad ka jingbuhrieh jong ka jingmap ki pop
ha ka Niam ka jinglait. U iada ia ngi na ki jingiapthem,
bad buh ia ka bor jong U ban pynshitom ia kiwei pat ki blei ha ka.

Khnang ba ngin ym lah ban rakhe ia ka jingkhawai niam jong ka jutang bathymmai
kaba don kane ka jingkyrkhu kaba kongsan bad kaba khraw,
u Soitan u la pynduh ia ka Niam ka jinglait ha ka Jingialang
jong ka Nicaea ha u 325 H.K.

Ki briew U Blei ki dei ban sumar ia ka hukum U Blei,
ka Niam ka jinglait la pynioh pat da U Khrist Ahnsahnghong,
U Jisu Bawan Arsien.

Ki riewkhuid jong ka Balang bamynshuwa ki don ka jingsngewskhem
ha ka Niam ka jinglait ba la seng da U Blei hi da lade bad
kim shym la iehnoh ia ka jingshisha jong ka jingim wat ha ka jingma jong ka jingim.