Makaplagan Nato ang mga Panalangin sa Dios Kon Mahibaloan Nato ang Kahulogan sa Pulong, “Ang Dios Kahayag”
Kon kita motan-aw sa kahayag, usa ka anino ang makita sa atong luyo, apan sa atong pagtalikod sa kahayag, usa ka anino ang mobabag sa atong dalan.
Sa samang paagi, sa dihang ang katawhan moadto sa Dios nga mao ang kahayag, ang kangitngit dili gayod makababag kanila.
Sama kang Jeremias sa panahon sa Amahan ug sa mga apostoles sa panahon sa Anak, sa dihang atong ihatag ang kahayag sa himaya sa Dios, kita mahimong mag-atubang sa paglutos ug mga babag.
Apan, sa kataposan, makadawat kita ug daghang panalangin.
Ang Simbahan nga Nagtuman sa Propesiya sa Biblia, “Ipasidlak ang Kahayag sa Jerusalem sa Tibuok Kalibotan”
Si Isaias, Jeremias, ug Ezekiel mihatod sa kahayag sa Dios nga si Jehovah sa panahon sa Amahan, ug si Apostol Pablo, Pedro, ug Juan mihatod sa kahayag sa himaya ni Jesus sa panahon sa Anak.
Ingon usab, sa panahon sa Balaang Espiritu, ang mga miyembro sa Church of God sa 175 ka mga nasud sa tibuok kalibotan naghatud sa kahayag sa himaya ni Cristo Ahnsahnghong ug Langitnong Inahan sa Jerusalem nga mianhi ingon nga mga Manluluwas.
“Bangon, Jerusalem! Sidlak kay miabot na ang imong kahayag, ug ang himaya sa GINOO nagdan-ag na kanimo.
Tabonan sa kangitngit ang kalibotan, ug ang katawhan tikyopan sa kangiob. Apan ang GINOO mosidlak kanimo, ug makita diha kanimo ang iyang himaya.
Ang kanasoran moduol sa imong kahayag, ug ang mga hari moduol sa lamdag sa imong kahayag.
Isaiah 60:1–3
- Post Date
- 2023. 06. 30
- Emotion
- 11
