Chwng “Kaitor Wng Kha Pohor” Hwnmani Kóktháini Kókmangno Tẃiwi Saui Mn Kha Hwn Khe, Chwng Kaitorni Hamarirokno Manwi Manno.
Chwng pohoro naiwi nai phuru khe, a sampli chini ulogo khe nukjago,
phiya chwng chini phikung pohor phaising khli khe, a sampli chini lamano bada khlai-o.
Omo hai kheno, bororok Kaitorni phaising tháng kha hwn khe Bó wng kha pohor,
mwnakma jesa khe phano bórokno kasomwi manglak.
Jirimia hai khe Phani molo tei chonghorok hai khe Sajlani molo,
chwng Kaitorni chẃngsachani pohorno pír phuru khe, chwng satokmung tei chini gana gini-o kebengmungrogo klai anw. Haiphano, páithago khe, chwng kwbángma hamarirok mannai.
Baibelni Kók Diyarirokno Phnangnai Motha Abo,
“Jerusalemni Pohorno Swngchar Gwnangwi Chẃngsa Rwnai” se.
Jisaia, Jirimia, tei Esikiel Kaitor Jehobani pohorno Phani molo pír kha,
tei Chonghor Pol, Pitor, tei Johon Jisuni pohorni chẃngsachano Sajlano molo pír kha.
Abo hai kheno, Phola Kwtharni molo, Kaitorni Mothani adongrok
175 haktor rogo swngchar gwnangwi Khristo Anhsanhghong tei Chuknohani Ama Jerusalemni chẃngsacha pohorno pír kha.
“Sicha di, pohor wng di; tamni hwn khe nini pohor sόk phai kha. Tei Subraiyungni chẃngsacha nini saka-o kasa kha. Tamni hwn khe nai di, mwnakma hano tei belai mwnak kosong lukurokno kolop bai kha; phiya ba, nini saka-o Subraiyungni chẃngsacha nukjaknai. Hakhe dopharok nini pohoro phai bainai,
tei habugrarok bo nini pohoro phai lainai.
Jisaia 60:1-3
- আগের তারিখ
- 2023. 06. 30
- সহানুভূতি
- 0
