ការសម្រងនៃសេចក្តីជំនឿ

ព្រះគម្ពីរប្រាប់ថា រហូតដល់ថ្ងៃទៅស្ថានសួគ៌ដ៏អស់កល្ប
នឹងមានការសម្រង និងសេចក្តីល្បួងច្រើនរាប់មិនអស់។
អ្នកខ្លះនឹងមានបញ្ហាសេដ្ឋកិច្ច ខ្លះសម្រេងតាមរយៈមនុស្សជុំវិញ
ខ្លះទទួលការសម្រង តាមរយៈចំណេះដឹងដែលខ្លួនមិនមាន។

ព្រះគម្ពីរថា មនុស្ស ដែលឈ្នះការសម្រងបែបៗនេះ
មានតម្លៃជាងមាស ហើយនឹងទទួលការសរសើរ សិរីល្អ
និងកេរ្តិ៍ឈ្មោះពីព្រះ នៅស្ថានសួគ៌។

ដើម្បី​ឲ្យ​ការ​សាកលសេចក្តី​ជំនឿ​នៃ​អ្នក​រាល់​គ្នា ដ៏​វិសេស​ជាង​មាស​ដែល​តែង​តែ​ខូច ទោះ​បើ​បាន​សាក​នឹង​ភ្លើង​ក៏​ដោយ នោះ​បាន​ឃើញ​សំរាប់​ជា​សេចក្តី​សរសើរ កេរ្តិ៍ឈ្មោះ និង​សិរីល្អ ក្នុង​កាល​ដែល​ព្រះយេស៊ូវគ្រីស្ទ​ទ្រង់​លេច​មក ១ពត្រ ១:៧

ពួកបរិសុទ្ធ ដែលបានដើរផ្លូវនៃការលំបាក ដោយអំណរ

២០០០ឆ្នាំមុន តាមព្រះបន្ទូលព្រះយេស៊ូវថា “ចូរលីឈើឆ្កាងខ្លួន មកតាមខ្ញុំចុះ”
ពួកបរិសុទ្ធរបស់ពួកជំនុំនៃព្រះដើម បានទទួលការសម្រងនៃសេចក្តីជំនឿ
ដោយលីឈើឆ្កាងខ្លួន ដោយក្តីអំណរ និងការអរព្រះគុណជានិច្ច។
ពីព្រោះថា ទុក្ខលំបាកដែលទទួលនៅផែនដីនេះ
មិនអាចប្រៀបផ្ទឹមនឹងសិរីល្អ ដែលនឹងបើកសម្តែងមកឲ្យយើងនោះទេ។