ನಂಬಿಕೆಯ ಸಂಸ್ಕರಣ

ನಾವು ಪರಲೋಕರಾಜ್ಯವನ್ನು ಪ್ರವೇಶಿಸುವವರೆಗೂ ಅನೇಕ ಸಂಸ್ಕರಣಗಳು
ಹಾಗೂ ಪರೀಕ್ಷೆಗಳು ಬರುತ್ತವೆ ಎಂದು ಸತ್ಯವೇದವು ಹೇಳುತ್ತದೆ.
ಕೆಲವು ಜನರು ಹಣಕಾಸಿನ ಪರೀಕ್ಷೆಗಳಿಗೆ ಒಳಗಾಗಬಹುದು,
ಕೆಲವರು ತಮ್ಮ ಸುತ್ತಲಿನ ಜನರೊಂದಿಗೆ ಇರುವ ಸಂಬಂಧಗಳ ಮೂಲಕ
ಕಲಿಯುತ್ತಾರೆ ಹಾಗೂ ಇನ್ನೂ ಕೆಲವರು ಸ್ವಲ್ಪ ಜ್ಞಾನದಿಂದ ಕಲಿಯುತ್ತಾರೆ.

ಈ ಸಂಸ್ಕರಣಗಳನ್ನು ಜಯಿಸುವವರಿಗೆ ಬಂಗಾರಕ್ಕಿಂತ ಹೆಚ್ಚಿನ
ಮೌಲ್ಯವಿದೆ ಮತ್ತು ಅವರು ಪರಲೋಕದಲ್ಲಿ ದೇವರಿಂದ
ಕೀರ್ತಿ ಪ್ರಭಾವ ಮಾನಗಳನ್ನು ಸ್ವೀಕರಿಸುತ್ತಾರೆ ಎಂದು ಸತ್ಯವೇದವು ಹೇಳುತ್ತದೆ.

ಬಂಗಾರವು ನಾಶವಾಗುವಂಥದಾಗಿದ್ದರೂ ಅದನ್ನು ಬೆಂಕಿಯಲ್ಲಿ ಪುಟಾಹಾಕಿ ಶೋಧಿಸುವದುಂಟಷ್ಟೆ. ಬಂಗಾರಕ್ಕಿಂತ ಅಮೂಲ್ಯವಾಗಿರುವ ನಿಮ್ಮ ನಂಬಿಕೆಯು ಈ ಕಷ್ಟಗಳಿಂದ ಶೋಧಿತವಾಗಿ ಯೇಸು ಕ್ರಿಸ್ತನು ಪ್ರತ್ಯಕ್ಷನಾಗುವಾಗ ನಿಮಗೆ ಕೀರ್ತಿ ಪ್ರಭಾವ ಮಾನಗಳನ್ನು ಉಂಟುಮಾಡುವದು. 1 ಪೇತ್ರನು 1:7

‘ಸಂತೋಷದಿಂದ ಕಷ್ಟಗಳನ್ನು ಅನುಭವಿಸಿದ ಸಂತರು’

2000 ವರ್ಷಗಳ ಹಿಂದೆ, ಯೇಸು “ತನ್ನ ಶಿಲುಬೆಯನ್ನು ಹೊತ್ತುಕೊಂಡು ನನ್ನ ಹಿಂದೆ ಬರಲಿ”
ಎಂದು ಹೇಳಿದಂತೆ ಆದಿಸಭೆಯ ಸಂತರು ತಮ್ಮ ಶಿಲುಬೆಯನ್ನು ಹೊತ್ತುಕೊಂಡು
ಯಾವಾಗಲೂ ಸಂತೋಷಿಸುತ್ತಾ ಹಾಗೂ ಎಲ್ಲಾ ಸಂದರ್ಭಗಳಲ್ಲಿಯೂ
ಕೃತಜ್ಞತಾಸ್ತುತಿ ಸಲ್ಲಿಸುತ್ತಾ ನಂಬಿಕೆಯನ್ನು ಸಂಸ್ಕರಿಸಿಕೊಂಡರು.
ಏಕೆಂದರೆ ನಾವು ಈ ಭೂಮಿಯ ಮೇಲೆ ಅನುಭವಿಸುವ ಕಷ್ಟಗಳನ್ನು
ನಾವು ಪರಲೋಕದಲ್ಲಿ ಸ್ವೀಕರಿಸುವ ಮಹಿಮೆಗೆ ಹೋಲಿಸಲು ಸಾಧ್ಯವಿಲ್ಲ.