विश्वासको खारिने प्रक्रिया

हामीहरू अनन्त स्वर्ग-राज्य प्रवेश नगरुञ्जेल
थुप्रै खारिने प्रक्रिया र परीक्षाहरू हुनेछन् भनेर
बाइबलले जानकारी दिएको छ ।
कसैलाई आर्थिक कठिनाइद्वारा,
कसैलाई वरपरका मानिसहरूद्वारा र
कसैलाई चाहिँ थोरै ज्ञानद्वारा खारिन्छ ।

यस्ता खारिने प्रक्रियालाई जित्ने मानिसहरू
सुनभन्दा अझ मूल्यवान् हुन्छन् ।
उनीहरूले स्वर्गका परमेश्वरबाट प्रशंसा,
महिमा र सम्मान पाउनेछन् ।

आगोबाट खारिने तर नष्ट भएर जाने सुनभन्दा पनि तिमीहरूको विश्वास मूल्यवान् छ । तिमीहरूको यो विश्वास साँचो प्रमाणित होस्, र येशू ख्रीष्ट प्रकट हुनुहुँदा प्रशंसा, महिमा र आदरको योग्य बनोस् । १ पत्रुस १:७

खुशीसाथ कष्टको बाटो हिँडेका सन्तहरू

२,००० वर्षअघि येशूज्यूले “आफ्नो क्रूस उठाएर मेरो पछि लाग”
भन्नुभएकोले सुरुको मण्डलीका सन्तहरूले सधैँ सबै परिस्थितिमा
खुशी र धन्यवादी हुँदै आ-आफ्नो क्रूस बोके, र विश्वासमा खारिए ।
किनकि यस पृथ्वीमा भोग्ने कष्टलाई
हामीले भविष्यमा स्वर्गमा पाउने महिमासँग तुलना गर्न सकिँदैन ।