តើទ្រង់នឹងលេចមកនៅពេលណា?

[ទីសម្គាល់នៃការយាងមកលើកទី២របស់ព្រះយេស៊ូវ ៖ សេចក្តីប្រៀបប្រដូចពីដើមល្វា]

សមាគមផ្សព្វផ្សាយពិភពលោក ពួកជំនុំនៃព្រះ ជឿលើព្រះអាន់សាំងហុង ជាព្រះគ្រីស្ទដែលបានយាងមកជាលើកទី២ តាមទំនាយនៃព្រះគម្ពីរ។

កាលពី២០០០ឆ្នាំមុន ពេលពួកសិស្សទូលសួរព្រះយេស៊ូវ អំពីទីសម្គាល់នៃការយាងមកលើកទី២របស់ទ្រង់ នោះទ្រង់បានប្រាប់ពួកគាត់រៀនសេចក្តីប្រៀបប្រដូចអំពីដើមល្វា។

ប៉ុន្តែ ចូររៀនសេចក្ដីប្រៀបប្រដូចពីដើមល្វា កាលណាមែកវាត្រលប់ជាទន់ ហើយស្លឹកក៏ប៉ិចឡើង នោះអ្នករាល់គ្នាដឹងថា រដូវក្តៅជិតដល់ហើយ ដំណើរនេះក៏បែបដូច្នោះដែរ កាលណាឃើញការទាំងនេះកើតមក ត្រូវដឹងថា លោកជិតមកដល់ហើយ ក៏នៅមាត់ទ្វារផង (ម៉ាថាយ ២៤:៤៤)

តាម​រយៈ​សេចក្តី​ប្រៀបប្រដូច​ពី​ដើម​ល្វា ព្រះយេស៊ូវ​បាន​ធ្វើ​ឱ្យស្គាល់​ពី​ពេល​វេលា​នៃ​ការ​យាង​មក​លើក​ទី​ពីរ​របស់​ទ្រង់។ អ៊ីចឹង នៅក្នុងព្រះគម្ពីរ តើដើមល្វាតំណាងឱ្យអ្វី?

ដើមល្វាតំណាងឱ្យអ៊ីស្រាអែល តាំងពីជំនាន់សញ្ញាចាស់មកម្ល៉េះ (យេរេមា ២៤:៥)។ នៅជំនាន់សញ្ញាថ្មី ព្រះយេស៊ូវក៏​បាន​ប្រៀប​ប្រដូចអ៊ីស្រាអែល ​ទៅនឹង​ដើម​ល្វា​ក្នុង​សេចក្តីបង្រៀន​របស់​ទ្រង់ដែរ (ម៉ាកុស ១១:១២-១៤, ២០-២១)។ នៅក្នុងប្រវត្តិសាស្ត្រអ៊ីស្រាអែល ដែលតំណាងដោយដើមល្វា មានអាថ៌កំបាំងមួយ អំពីពេលវេលាដែលព្រះយេស៊ូវយាងមកលើកទី២។

"មែកដើម​ល្វាត្រលប់ជា​ទន់ ហើយ​ស្លឹក​ក៏​ប៉ិចឡើង" មានន័យថា ដើម​ល្វា​ដែលក្រៀម​ស្វិត ​មាន​ជីវិត​រស់​ឡើង​វិញ។ នេះបង្ហាញថា អ៊ីស្រាអែលដែលត្រូវបានបំផ្លាញ នឹងត្រូវបានស្ដារឡើងវិញ។ ដូចដែលព្រះយេស៊ូវបានមានទំនាយ នោះអ៊ីស្រាអែលត្រូវបានបំផ្លាញដោយចក្រភពរ៉ូម នៅគ.ស. ឆ្នាំ៧០ ហើយត្រូវខ្ចាត់ខ្ចាយជុំវិញពិភពលោក អស់រយៈពេលប្រហែល១៩០០ឆ្នាំ ដោយរស់នៅជាជនភៀសខ្លួន។

[ព្រះគ្រីស្ទអាន់សាំងហុង បានបំពេញទំនាយ អំពីសេចក្តីប្រៀបប្រដូចពីដើមល្វា]

បន្ទាប់ពីសង្គ្រាមលោកលើកទី២បានបញ្ចប់ អ៊ីស្រាអែលបានប្រកាសឯករាជ្យរបស់ខ្លួន ហើយតាំងឡើងរដ្ឋនៅប៉ាឡេស្ទីន ដែលជាស្រុកកំណើតរបស់ខ្លួន។

អាចនិយាយបានថា ដើម​ល្វា​បាន​រស់​ឡើង​វិញ តាម​ទំនាយ​របស់​ព្រះយេស៊ូវហើយ។ ប្រវត្តិវិទូនិយាយថា ឯករាជ្យភាពរបស់អ៊ីស្រាអែល គឺជាអព្ភូតហេតុ ដែលមិនអាចរកឃើញនៅកន្លែងណាផ្សេងទៀត លើពិភពលោកនោះទេ។ ប៉ុន្តែ វា​មិន​មែន​គ្រាន់​តែ​ជា​ព្រឹត្តិការណ៍​ប្រវត្តិសាស្ត្រនោះ​ទេ។ នេះ​ជា​ទី​សម្គាល់​នៃ​ទំនាយ​ដែល​ប្រកាស​ទៅកាន់​ពិភពលោក​ថា ​ព្រះយេស៊ូវ​បាន​យាង​មក​ជា​លើក​ទី​២ ដូចជាព្រះបានគិតសម្រេចហើយ។

ដើមល្វាដែលក្រៀមស្វិតបានរស់ឡើងវិញ នៅឆ្នាំ១៩៤៨ ដែលអ៊ីស្រាអែលត្រូវបានកសាងឡើងវិញ។ នៅឆ្នាំនេះ ព្រះយេស៊ូវត្រូវយាងមកជាលើកទី២ ហើយចាប់ផ្តើមកិច្ចការដំណឹងល្អ បន្ទាប់ពីបានទទួលបុណ្យជ្រមុជទឹក។ ទ្រង់ក៏បានស្ដារឡើងវិញនូវដំណឹងល្អសញ្ញាថ្មី ដែលទ្រង់បានតាំងឡើងកាលពី២០០០ឆ្នាំមុនដែរ។ ព្រះគ្រីស្ទអាន់សាំងហុង គឺជាព្រះយេស៊ូវ ដែលបានយាងមកជាលើកទី២ ដើម្បីបំពេញទំនាយនៃព្រះគម្ពីរ។