ການປະກາດ ແມ່ນວຽກງານທີ່ຍິ່ງໃຫຍ່

[ການປະກາດ ແມ່ນວຽກງານທີ່ຍິ່ງໃຫຍ່ ເພື່ອຊ່ວຍມະນຸດຊາດ ຜູ້ທີ່ຕິດຢູ່ໃນໂຊ່ແຫ່ງຄວາມຕາຍ
ໃນໂລກນີ້]

ໃນປີ 2010, ນັກຂຸດຄົ້ນແຮ່ 33 ຄົນໄດ້ຕິດຢູ່ໃນບໍ່ແຮ່ທີ່ເລິກ 700 ແມັດໃນຊິລີ ເປັນເວລາ 69 ມື້. ເຊັ່ນດຽວກັນກັບນັກຂຸດຄົ້ນແຮ່ທັງໝົດໄດ້ຮັບການຊ່ວຍຊີວິດ ໂດຍບໍ່ມີໃຜເຈັບປ່ວຍ ກົງກັນຂ້າມກັບຄວາມຄາດຫວັງຂອງທຸກຄົນທີ່ວ່າ ພວກເຂົາຕ້ອງຕາຍ, ພວກເຮົາຕ້ອງຢ່ອນເຊືອກແຫ່ງຄວາມພົ້ນ ໃຫ້ກັບຊາວບ້ານທົ່ວໂລກ ທີ່ກໍາລັງລໍຄອຍຖ້າຄວາມພົ້ນຂອງພະເຈົ້າ ໂດຍສັ່ນເຊັນໃນຄວາມຢ້ານກົວ.

[ຜູ້ເຊື່ອຖືຂອງຄິດສະຕະຈັກຂອງພະເຈົ້າ ໄດ້ອອກໄປສູ່ທົ່ວໂລກ ໂດຍໄດ້ຮັບມອບໝາຍຈາກພະເຈົ້າໃຫ້ປະກາດຂ່າວປະເສີດ]

ໂດຍຮຽນຮູ້ຈາກປະຫວັດສາດ ທີ່ທັງທົ່ວໂລກມີສ່ວນຮ່ວມ ໃນການຊ່ວຍເຫຼືອນັກຂຸດຄົ້ນແຮ່ຊາວຊິລີ ດ້ວຍຈິດໜຶ່ງໃຈດຽວກັນນັ້ນ, ພວກເຮົາກໍເຊັ່ນກັນ, ຕ້ອງເຮັດສຸດຄວາມສາມາດ ເພື່ອຊ່ວຍມະນຸດຊາດ
ທີ່ກໍາລັງທຸກທໍລະມານ ໃນຄວາມມືດຝ່າຍຈິດວິນຍານ ໂດຍຜ່ານຄວາມຈິງແຫ່ງຊີວິດ ເຊິ່ງພະຄິດອັນຊັງໂຮງ ແລະ ພະເຈົ້າພະມານດາໄດ້ສອນພວກເຮົາ.

ຄໍາຮຽກຮ້ອງຂອງພວກເຮົາຕໍ່ພວກເຈົ້ານັ້ນ ບໍ່ໄດ້ມາຈາກຄວາມຫຼົງຜິດ
ຫຼື ເຈດຕະນາອັນຊົ່ວມົວໝອງ... ພວກເຮົາກ່າວໄປເລື້ອຍໆ ຕາມທີ່ພະເຈົ້າຕ້ອງການໃຫ້ພວກເຮົາກ່າວ;
ເພາະພະອົງໃຫ້ຄວາມເຫັນຊອບແກ່ພວກເຮົາ ຈຶ່ງມອບຂ່າວປະເສີດໄວ້ກັບພວກເຮົາ.
ພວກເຮົາບໍ່ແມ່ນພະຍາຍາມໃຫ້ຊອບໃຈມະນຸດ ແຕ່ໃຫ້ຊອບໃຈພະເຈົ້າ ອົງທີ່ທົດສອບເບິ່ງ
ຄວາມມຸ່ງໝາຍໃນຈິດໃຈຂອງພວກເຮົາ.
[1 ເທຊະໂລນິກ 2:3-4]