उत्साहित होओ, किनकि स्वर्गको राज्य नजिक आएको छ

स्वर्ग-राज्यको मूल्यलाई बुझेर सुसमाचारको लागि
परिश्रम गर्ने मानिसहरूलाई दिनुहुने आशिष्

स्वर्ग-राज्यको मूल्यलाई महसुस नगरी यस संसारका कुराहरूको मात्र पछि लागेर
परमेश्वरको आशिष्‌लाई गुमाएपश्चात् पछुतो गर्ने एसावजस्तो मूर्ख मानिस हामी हुनुहुँदैन ।
स्वर्ग-राज्यको मूल्यलाई कदर गर्दै परमेश्वरको आशिष्‌लाई दह्रो गरी पक्रने
याकूबजस्तै मानिस हामीहरू हुनुपर्दछ ।

‘आफ्नो सुरुको भरोसालाई अन्त्यसम्मै
दृढतासाथ थामिराख’ भन्नुभएको वचनको अर्थ के होला ?

निर्जन टापूमा पनि हरेस नखाईकन केवल आफ्नो गृहनगर फर्कने
कुरालाई मात्र सोचेका रोबिन्सन क्रुसोजस्तै परमेश्वरको मण्डलीका सन्तहरू पनि
पिता र माता रहनुभएको स्वर्गको आशा लिँदै सुरुमा सत्यता पाउँदाको
उत्साहित मनका साथ लगनशीलतापूर्वक विश्वासको मार्गमा हिँड्दछन् ।

“ध्यान देओ, कि कुनै मानिस परमेश्वरको अनुग्रह प्राप्त गर्नदेखि
वञ्चित नहोस्, ... कोही पनि दुराचारी वा एसावजस्तै अधर्मी नहोस्,
जसले एकछाक भोजनको लागि आफ्नो ज्येष्ठ पुत्रको जन्मसिद्ध अधिकार बेचिदियो । ...
पछिबाट आशीर्वाद पाउन खोज्दा पनि ऊ अस्वीकृत भयो ।
किनकि उसले पश्चात्ताप गर्ने मौका पाएन, यद्यपि उसले
आँसु बगाएर त्यो खोजेको थियो ।”
हिब्रू १२:१५-१७