Pholani Kubuino Pholani Kόkrokthái Bai Gwdal Rwui Sa Di

Mwthangjakna Bagwi Pholani Manwirokno Bahanni Manwirok Bai Chwng Khakna Nangnai

Khorok chinwi sagrirokni bere-o, Judas Iskariot wng kha poito chájagwi rangni bogol tẃinani chúkjak hwnwi chongjak kha. Haiphano, bó Jisuno bini sakni swngcharni uansukmarokni mote khe buj khlaima bai, bó mwthangjagwi man li ya. Chuknohani manwirokno, o swngcharo tong phuru nukmani simani tei tongmungrok bai buchinani nainairok, pholani manwirokno buchiui man ya tei mwthangjagwi man glak hwnwi chwng omo phrwng kha.

Kaitorni Motha Khe Pholani Kubuirokno Baibelo Kók Diyari Sasokjakmani Kaitorni Kókni Bising Tẃi Sa-o

Katswi Jisu hai, Khristo Ahnsahnghong tei Ama Kaitor phunukmari rw kha, pholani kubuirokno pholani kók bai chwng sa phuru tei chini sakni krusno chwng tẃiwi Kaitorno rwkthar phuru khe, Pitor, Johon, tei swkangni Mothani Kaitorni bororok hai khe chwngbo mwthangjaknai.

Hakhe chwng Kaitorni Phola gwnangrokni thani Kaitorni aroni kók swbaiwi sa phuru chwng elem gwnangrok phrwngmani kók bai sa ya, Kaitorni Phola phrwngmani kók bai se sa-o. Phiya Kaitorni Pholano man ya borok bo Kaitorni Phola rwmarokno yachagwi man ya. Bo abórokno romwi man ya; abórok bini thani samung nang ya tamni hwn ba Kaitorni Phola bai simi se abórokno bwswk tamo saui mano.
1 Korinth 2:13–14