U Blei U Ai ka Jingmap ki Pop

Kane ka Pyrthei Ka Long ka Jaka Rieh Mynsiem ïa ki Angel Kiba La Leh Pop ha Bneng.

Man u briew uba la kha ha kane ka pyrthei, kum u Solomon bad u Job, u la long u angel uba la im ha ka hima ki bneng. La hikai ïa ngi ba ka jingim ha kane ka pyrthei ka long kaba dap da ka jingtrei shitom bad ka jingsngewsih namar ka dei ka jaka ha kaba ki angel, kiba la im ha ka burom ryngkat bad U Blei ha bneng, ki shah bred hadien ba la leh ka pop kaba khraw kaba ïalam sha ka jingïap.

Balei U Khrist Ahnsahnghong bad Ka Blei Ka Kmie Ki Pynïoh ïa ka Jutang Bathymmai Ka Niam ka Jinglait?

Mynta ka sngi, Uta uba la pynïoh biang ïa ka jutang bathymmai Ka Niam ka Jinglait kaba la jah, um dei uwei pat hynrei U Blei jong ngi. Kane ka long namar ba ka jutang bathymmai Ka Niam ka Jinglait ka dei ka jutang kaba U Jisu u la seng lyngba ka jingkñia jong U halor ka diengphna, khnang ba u khun bynriew baroh un ïoh map ïa ki pop jong ki kiba ïalam sha ka jingïap—ki pop kiba ki la leh ha bneng—bad kin leit phai pat sha ka hima ki bneng.

[H]a uba ngi ïoh ka jingsiewspah da ka snam jong u, ka jingmap ïa ki jingpalat jong ngi, katba kum ka jingkynrei ka jingaiei jong u... Ephesos 1:7

Namar ka bainong ka pop, ka long ka jingïap; hynrei, ka jingaiei ka jong U Blei, ka long ka jingim bymjukut da U Khrist Jisu uba U Trai jong ngi. Rom 6:23