ថ្ងៃឈប់សម្រាកដែលត្រូវតែរក្សា ដរាបដល់បំផុតកល្ប

[ពួកជំនុំនៃព្រះ រក្សាថ្ងៃឈប់សម្រាក តាមសេចក្តីបង្រៀនរបស់ព្រះយេស៊ូវ]

កាលដើមដំបូង ព្រះបានប្រទានពរដល់ថ្ងៃឈប់សម្រាក ហើយបានញែកចេញជាបរិសុទ្ធ ព្រមទាំងតាំងឡើងទុកជាក្រឹត្យវិន័យទី៤ ក្នុងក្រឹត្យទាំង១០ប្រការ នៅជំនាន់ម៉ូសេ។ ថ្ងៃឈប់សម្រាក គឺជាបញ្ញត្តិរបស់ព្រះ ដែលយើងត្រូវតែរក្សា ដរាបដល់បំផុតកល្ប។

ព្រះយេស៊ូវបានបង្រៀនថា យើងត្រូវតែរក្សាថ្ងៃឈប់សម្រាកជាបរិសុទ្ធ ដរាបដល់បំផុតកល្ប ដោយបន្ទូលថា«ចូរ​អធិស្ឋាន​សូម​កុំ​ឱ្យ​ត្រូវ​រត់​នៅ​រដូវ​រងា ឬ​នៅ​ថ្ងៃ​ឈប់​សំរាក​ឡើយ» ដូច្នេះ ការទទូចថា នៅជំនាន់សញ្ញាថ្មី មិនចាំបាច់រក្សាថ្ងៃឈប់សម្រាកទេ នោះគឺជាការទទូចដែលប្រឆាំងនឹងសេចក្តីបង្រៀនរបស់ព្រះយេស៊ូវ។