🎧Playlist 00:00 I Repent of My Sin 05:41 I Did Not Realize Before 11:15 Take Me, O My Father, Take Me 14:44 Though I Longed to Call to You 17:19 How Great Is the Love of Father!

00:00 O Youth of Zion, Watchmen of Truth 02:59 The Holy Spirit's Amazing and Wonderful Works 05:40 The Least Who Follow the Prophecies 08:09 Worship True God With Joyful Hearts 11:11 We Too Will Follow Mother 13:04 Heaven’s Kingdom Is Near 16:41 The Gospel of Glory

ຜູ້ທີ່ອ້າງວ່າບໍ່ມີຈິດວິນຍານ ຫຼັງຈາກຄວາມຕາຍ ໄດ້ຍົກເອົາຂໍ້ພະຄໍາປະຖົມມະການ 2:17 ທີ່ມີກ່າວໄວ້ວ່າ “ຖ້າເຈົ້າຂືນກິນເມື່ອໃດ ເຈົ້າຈະຕາຍເມື່ອນັ້ນ” ແລະ ເອເສກຽນ 18:4 ທີ່ມີກ່າວໄວ້ວ່າ “ບຸກຄົນໃດທີ່ເຮັດບາບ ບຸກຄົນນັ້ນແຫຼະທີ່ສົມຄວນຈະຕ້ອງຕາຍ” ມາເປັນຫຼັກຖານສໍາລັບຂໍ້ໂຕ້ແຍ້ງຂອງພວກເຂົາ ໃນການໃຫ້ເຫດຜົນວ່າ ຖ້າຮ່າງກາຍຕາຍ ຈິດວິນຍານກໍຕ້ອງຕາຍໄປນຳເຊັ່ນກັນ. ແນ່ນອນແລ້ວວ່າ ມັນເປັນຄວາມຈິງທີ່ວ່າ ເມື່ອຄົນບາບຕາຍໄປ, ຈິດວິນຍານຂອງລາວກໍຈະຕາຍໄປນຳ. ແຕ່ຄວາມຕາຍຂອງຮ່າງກາຍແມ່ນແຕກຕ່າງຈາກຄວາມຕາຍຂອງຈິດວິນຍານ ເພາະວ່າຮ່າງກາຍຖືກສ້າງຂຶ້ນມາຈາກຂີ້ຝຸ່ນດິນ ແລະ ຈິດວິນຍານເປັນລົມ​ຫາຍໃຈ ທີ່ພະເຈົ້າຊົງປະທານໃຫ້ (ປຍຈ 12:7)

ໃນສະໄໝທີ່ມີສາສະໜາ ແລະ ນິກາຍຕ່າງໆເກີດຂຶ້ນຢ່າງຫຼວງຫຼາຍ, ພະເຢຊູໄດ້ຊົງແຍກແຍະຄວາມຈິງທີ່ແທ້ຈິງ ເຊິ່ງສາມາດນໍາພວກເຮົາໄປສູ່ຄວາມພົ້ນທີ່ສົມບູນອອກຈາກຄວາມບໍ່ຈິງ ໂດຍຜ່ານຄໍາອຸບປະມາເລື່ອງເຂົ້ານົກ. ເຂົ້ານົກໝາຍເຖິງຜູ້ທີ່ບໍ່ປະຕິບັດຕາມພະບັນຍັດຂອງພະເຈົ້າ ເຂົ້າດີແມ່ນເທດສະການ 3 ປາງ 7 ຊະນິດ ເຊິ່ງເປັນຄວາມຈິງແຫ່ງຄໍາໝັ້ນສັນຍາໃໝ່ເຊັ່ນ ມື້ພະ ແລະ ເທດສະການປັດສະຄາ ທີ່ພະເຢຊູໄດ້ຊົງຫວ່ານໄວ້ໃນສະໄໝຄິດຕະຈັກຕອນຕົ້ນ. ໃນທາງກົງກັນຂ້າມ, ການນະມັດສະການໃນວັນອາທິດ, ວັນຄິດສະມາດ ແລະ ໄມ້ກາງແຂນ ເປັນຄວາມບໍ່ຈິງ, ເປັນເຂົ້ານົກທີ່ມາຈາກທໍານຽມຂອງພວກນອກສາສະໜາ ເຊິ່ງຖືກນໍາເຂົ້າມາໃນຊ່ວງຍຸກມືດທາງສາສະໜາ. ພະຄໍາພີໄດ້ພິຍານວ່າ ເຂົ້ານົກຈະຖືກເຜົາໄຟຖິ້ມເສຍ. ອີງຕາມຄໍາສັ່ງສອນຂອງພະອັນຊັງໂຮງ ຜູ້ຊົງເປັນພະຄິດທີ່ຊົງສະເດັດມາເທື່ອທີສອງ, ຄິດສະຕະຈັກຂອງພະເຈົ້າ ປະຕິບັດຕາມເທດສະການແຫ່ງຄໍາໝັ້ນສັນຍາໃໝ່ ດັ່ງທີ່ພະເຢຊູ ແລະ ບັນດາອັກຄະທູດໄດ້ປະຕິບັດຕາມ. ມັດທາຍ 7:21

ໃນສະໄໝນີ້, ພະວິນຍານ ແລະ ເຈົ້າສາວຊົງປະທານນໍ້າແຫ່ງຊີວິດ ເຊິ່ງພະເຢຊູ ໄດ້ຊົງປະທານໃຫ້ໃນເທດສະການປຸກຕູບຢູ່ ເນື່ອງຈາກພະເຈົ້າຊົງກ່າວວ່າ ຜູ້ທີ່ເຊື່ອໃນພະອົງຈະໄດ້ຮັບພະວິນຍານບໍລິສຸດ, ຜູ້ທີ່ປາຖະໜາທີ່ຈະໄດ້ຮັບນັ້ນຕ້ອງເຊື່ອ ແລະ ປະຕິບັດຕາມຄໍາສັ່ງສອນຂອງພະເຈົ້າ ພະເຢໂຮວາ ໃນສະໄໝພະບິດາ, ພະເຢຊູຄິດ ໃນສະໄໝພະບຸດ, ພະອັນຊັງໂຮງ ແລະ ພະເຈົ້າພະມານດາ ຜູ້ຊົງສະເດັດມາໃນຖານະພະວິນຍານ ແລະ ເຈົ້າສາວ ໃນສະໄໝພະວິນຍານບໍລິສຸດ. ໃນທຸກຍຸກທຸກສະໄໝ, ຜູ້ທີ່ເຊື່ອຟັງພະຄໍາຂອງພະເຈົ້າ ແມ່ນຜູ້ທີ່ມີຄວາມເຊື່ອ ຜູ້ທີ່ປະຕິບັດຕາມພະຄໍາຂອງພະເຈົ້າດ້ວຍການເຊື່ອຟັງ ແມ່ນຜູ້ທີ່ເຊື່ອໃນພະເຈົ້າຢ່າງແທ້ຈິງ. ເຊັ່ນດຽວກັບ ໂນອາ, ອັບລາຮາມ, ໂມເຊ, ໂຢຊວຍ ແລະ ກາເຫຼັບທີ່ໄດ້ຮັບພະພອນຍ້ອນການເຊື່ອຟັງພະຄໍາຂອງພະເຈົ້າ, ດຽວນີ້ ຜູ້ທີ່ມີຄວາມເຊື່ອທີ່ປະຕິບັດຕາມມື້ພະ ແລະ ເທດສະການປັດສະຄາ ເຊິ່ງເປັນພະຄໍາຂອງພະເຈົ້າ ກໍຈະໄດ້ຮັບພະພອນເຊັ່ນກັນ. “ຜູ້ທີ່ມາຈາກພະເຈົ້າຍ່ອມຟັງຖ້ອຍຄໍາຂອງພະເຈົ້າ. ແຕ່ທ່ານທັງຫຼາຍບໍ່ໄດ້ມາຈາກພະເຈົ້າ ດັ່ງນັ້ນແຫຼະພວກທ່ານຈຶ່ງບໍ່ຟັງ”. ໂຢຮັນ 8:47 ຖ້າພວກເຈົ້າເຊື່ອຟັງພະຜູ້ເປັນເຈົ້າອົງເປັນພະເຈົ້າຂອງພວກເຈົ້າ ແລະ ເຮັດຕາມພະຄໍາສັ່ງທຸກຂໍ້; ແລ້ວພະອົງກໍຈະຮັບພວກເຈົ້າເປັນປະຊາຊົນຂອງພະອົງ ຕາມທີ່ພະອົງໄດ້ສັນຍາໄວ້ນັ້ນ. ແລ້ວທຸກຊົນຊາດໃນໂລກກໍຈະເຫັນວ່າ ພະຜູ້ເປັນເຈົ້າໄດ້ເລືອກເອົາພວກເຈົ້າໃຫ້ເປັນປະຊາຊົນຂອງພະອົງ ແລະພວກເຂົາຈະຢ້ານກົວພວກເຈົ້າ. ພະບັນຍັດສອງ 28:9-10

ພະເຈົ້າຊົງປະທານພະວິນຍານບໍລິສຸດໃນບ່ອນທີ່ປະຕິບັດຕາມເທດສະການປຸກຕູບຢູ່ ຜູ້ທີ່ເຊື່ອໃນພະເຈົ້າ ຕ້ອງປະຕິບັດຕາມເທດສະການປຸກຕູບຢູ່ ຕາມຄໍາສັ່ງສອນຂອງພະເຈົ້າ. ເພາະພະເຈົ້າໄດ້ຊົງກ່າວຜ່ານຜູ້ປະກາດພະຄໍາເສກາລີຢາວ່າ ພະອົງຈະຊົງປະທານພະວິນຍານບໍລິສຸດແກ່ຜູ້ທີ່ປະຕິບັດຕາມເທດສະການປຸກຕູບຢູ່ ແລະ ຈະລົງໂທດຜູ້ທີ່ບໍ່ປະຕິບັດຕາມ. ຄິດສະຕະຈັກຂອງພະເຈົ້າ ປະຕິບັດຕາມເທດສະການປຸກຕູບຢູ່ ແລະ ພະວິນຍານ ແລະ ເຈົ້າສາວ ຜູ້ຊົງປະທານນໍ້າແຫ່ງຊີວິດ ຊົງສະຖິດຢູ່ນໍາ. ໃນການສະເດັດມາເທື່ອທໍາອິດ ພະເຢຊູຊົງປະທານພະວິນຍານບໍລິສຸດ, ໃນການສະເດັດມາເທື່ອທີສອງ ພະວິນຍານ ແລະ ເຈົ້າສາວ ຊົງປະທານພະວິນຍານບໍລິສຸດໃນເທດສະການປຸກຕູບຢູ່. ຄໍາທໍານວາຍໃນພະຄໍາພີທີ່ວ່າ “ພະວິນຍານ ແລະ ເຈົ້າສາວ ຊົງປະທານນໍ້າແຫ່ງຊີວິດ”, “ນໍ້າພຸຈະໄຫຼອອກມາຈາກກຸງເຢລູຊາເລັມ” ແລະ “ແມ່ນໍ້າແຫ່ງຊີວິດມາຈາກບັນລັງຂອງພະເຈົ້າ” ລ້ວນແຕ່ເປັນຄໍາທໍານວາຍທີ່ວ່າ ພະມານດາແຫ່ງສະຫວັນເຢລູຊາເລັມ ຈະຊົງປະທານພະວິນຍານບໍລິສຸດ ແລະ ຄໍາສອນທີ່ນໍາໄປສູ່ຊີວິດແກ່ມະນຸດທັງຫຼາຍ. ເທດສະການປຸກຕູບຢູ່ຂອງຊາວຢິວກໍໃກ້ເຂົ້າມາແລ້ວ ໃນມື້ສຸດທ້າຍອັນເປັນມື້ສໍາຄັນທີ່ສຸດຂອງເທດສະການ ພະເຢຊູໄດ້ຢືນຂຶ້ນແລະຮ້ອງດັງໆວ່າ ... ດັ່ງທີ່ມີຂຽນໄວ້ໃນພະຄໍາພີວ່າ ‘ຜູ້ໃດກໍຕາມທີ່ເຊື່ອໃນເຮົາ ສາຍນໍ້າແຫ່ງຊີວິດຈະໄຫຼອອກຈາກຜູ້ນັ້ນ.’” ສິ່ງທີ່ພະເຢຊູໄດ້ກ່າວນັ້ນໝາຍເຖິງພະວິນຍານ ເຊິ່ງຜູ້ທີ່ເຊື່ອໃນພະອົງຈະໄດ້ຮັບ ... ໂຢຮັນ 7:2-39 ແລ້ວພະວິນຍານ ແລະ ເຈົ້າສາວກໍກ່າວວ່າ “ມາເທາະ!” ທຸກໆຄົນທີ່ຍິນເລື່ອງນີ້ກໍຕ້ອງເວົ້າຄືກັນວ່າ “ມາເທາະ!” ຈົ່ງມາເທາະ ຜູ້ໃດກໍຕາມທີ່ຫິວນໍ້າ; ຈົ່ງຮັບເອົານໍ້າແຫ່ງຊີວິດໄປດື່ມໂດຍບໍ່ຕ້ອງເສຍຄ່າ. ພະນິມິດ 22:17

ໂລກນີ້ແມ່ນເມືອງລີ້ໄພແຫ່ງຈິດວິນຍານ ສໍາລັບທູດສະຫວັນທີ່ໄດ້ເຮັດບາບໃນສະຫວັນ ເໝືອນດັ່ງກະສັດໂຊໂລໂມນ ແລະ ໂຢບ, ທຸກຄົນທີ່ເກີດໃນໂລກນີ້ ລ້ວນແຕ່ເຄີຍເປັນທູດສະຫວັນທີ່ອາໄສຢູ່ໃນອານາຈັກສະຫວັນ. ພະຄໍາພີໄດ້ສັ່ງສອນພວກເຮົາວ່າ ຊີວິດໃນໂລກນີ້ເຕັມໄປດ້ວຍຄວາມລໍາບາກ ແລະ ຄວາມໂສກເສົ້າ ເພາະໂລກນີ້ເປັນບ່ອນທີ່ທູດສະຫວັນ ຜູ້ທີ່ເຄີຍອາໄສຢູ່ໃນສະຫງ່າລາສີນໍາກັນກັບພະເຈົ້າໃນສະຫວັນ ໄດ້ຖືກຂັບໄລ່ອອກມາ ຫຼັງຈາກທີ່ໄດ້ເຮັດບາບອັນໃຫຍ່ຫຼວງທີ່ນໍາໄປສູ່ຄວາມຕາຍ. ເຫດຜົນທີ່ພະຄິດ ພະອັນຊັງໂຮງ ແລະ ພະເຈົ້າພະມານດາ ໄດ້ຊົງຟື້ນຟູປັດສະຄາແຫ່ງຄໍາໝັ້ນສັນຍາໃໝ່ ໃນທຸກມື້ນີ້, ພະອົງຜູ້ທີ່ໄດ້ຊົງຟື້ນຟູປັດສະຄາແຫ່ງຄໍາໝັ້ນສັນຍາໃໝ່ ທີ່ສູນຫາຍໄປນັ້ນ ແມ່ນພະເຈົ້າຂອງພວກເຮົາ. ເພາະວ່າປັດສະຄາແຫ່ງຄໍາໝັ້ນສັນຍາໃໝ່ ແມ່ນຄໍາໝັ້ນສັນຍາທີ່ພະເຢຊູໄດ້ຊົງຕັ້ງຂຶ້ນ ໂດຍຜ່ານການເສຍສະຫຼະຂອງພະອົງທີ່ເທິງໄມ້ກາງແຂນ, ເພື່ອໃຫ້ມະນຸດຊາດທັງປວງສາມາດໄດ້ຮັບການອະໄພບາບທີ່ນໍາໄປສູ່ຄວາມຕາຍ ເຊິ່ງເປັນບາບທີ່ພວກເຂົາໄດ້ເຮັດໃນສະຫວັນ ແລະ ສາມາດກັບຄືນສູ່ອານາຈັກສະຫວັນໄດ້. ດ້ວຍວ່າໂດຍຄວາມຕາຍຂອງພະຄິດເປັນເຄື່ອງບູຊານັ້ນ ພະເຈົ້າໄດ້ປົດປ່ອຍພວກເຮົາໃຫ້ເປັນອິດສະລະ ໝາຍຄວາມວ່າການບາບຂອງພວກເຮົາໄດ້ຮັບອະໄພ. ພະຄຸນອັນປະເສີດຂອງພະເຈົ້າຍິ່ງໃຫຍ່ແທ້ ເອເຟໂຊ 1:7 ດ້ວຍວ່າຄ່າຈ້າງຂອງບາບຄືຄວາມຕາຍ; ແຕ່ຂອງປະທານໃຫ້ທີ່ບໍ່ຄິດຄ່າຈາກພະເຈົ້າ ຄືຊີວິດອັນຕະຫຼອດໄປເປັນນິດໃນພະເຢຊູຄິດເຈົ້າຂອງພວກເຮົາ. ໂລມ 6:23

ລູກຂອງພະເຈົ້າຕ້ອງຮູ້ວ່າ ມື້ໃດທີ່ພວກເຂົາສາມາດພົບກັບພະເຈົ້າໄດ້. ພະເຈົ້າໄດ້ຊົງສ້າງຟ້າສະຫວັນ ແລະ ແຜ່ນດິນໂລກເປັນເວລາຫົກມື້ ແລ້ວຊົງພັກຜ່ອນໃນມື້ທີເຈັດ ແລະ ຊົງຕັ້ງມັນເປັນຂໍ້ທີສີ່ຂອງຄໍາສັ່ງສິບຂໍ້. [ພະເຢຊູໄດ້ຊົງປະຕິບັດຕາມມື້ພະດ້ວຍພະອົງເອງ] ພະເຢຊູໄດ້ຊົງເອີ້ນມື້ພະວ່າ “ມື້ຂອງເຮົາ” ແລະ ພະອົງໄດ້ຊົງວາງແບບຢ່າງໃນການປະຕິບັດຕາມມື້ພະ ດ້ວຍພະອົງເອງ. ແລ້ວພະເຢຊູກໍໄດ້ໄປຍັງນາສາເຫຼັດ ເມືອງທີ່ພະອົງໄດ້ຈະເລີນເຕີບໂຕໃຫຍ່ຂຶ້ນນັ້ນ ແລະ ໃນມື້ພະ ພະອົງໄດ້ໄປຍັງສາລາທໍາຕາມທໍານຽມ. ພະອົງໄດ້ຢືນຂຶ້ນເພື່ອຈະອ່ານພະຄໍາພີ ມື້ພະ ມື້ທີເຈັດບໍ່ແມ່ນວັນອາທິດແຕ່ແມ່ນວັນເສົາ. ດັ່ງທີ່ໄດ້ມີບັນທຶກໄວ້ໃນພະຄໍາພີວ່າ ພະເຢຊູໄດ້ຊົງຄືນພະຊົນໃນວັນຕົ້ນສັບປະດາ (ວັນອາທິດ), ພວກເຮົາຈຶ່ງສາມາດຢືນຢັນໄດ້ວ່າ ມື້ພະແມ່ນວັນເສົາ. ໂດຍການປະຕິບັດຕາມພະຄໍາເຫຼົ່ານີ້, ຄິດສະຕະຈັກຂອງພະເຈົ້າ ສະມາຄົມເຜີຍແຜ່ຂ່າວປະເສີດທົ່ວໂລກ ຈຶ່ງນະມັດສະການພະເຈົ້າໃນວັນເສົາ ເຊິ່ງເປັນມື້ພະ ມື້ທີເຈັດ. ລູກາ 4:16