[ສິ່ງທີ່ເກີດຂຶ້ນເມື່ອທ່ານຖືພະຄຳຂອງພະເຈົ້າເປັນເລື່ອງຕະຫຼົກ]
ເຊັ່ນດຽວກັບບັນດາຜູ້ທີ່ຖືພະຄຳຂອງພະເຈົ້າເປັນເລື່ອງຕະຫຼົກ ແລະ ບໍ່ໄດ້ແລ່ນໜີໄປ
ໄດ້ຖືກທຳລາຍ ເມື່ອພະເຈົ້າໄດ້ຊົງພິພາກສາໂລກດ້ວຍນໍ້າຖ້ວມ ໃນສະໄໝຂອງໂນອາ
ແລະ ດ້ວຍໄຟ ໃນສະໄໝຂອງເມືອງໂຊໂດມ ແລະ ໂກໂມລາ, ບັນດາຜູ້ທີ່ບໍ່ໄດ້ເຊື່ອ
ໃນພະຄຳຂອງພະເຢຊູທີ່ວ່າ “ເມື່ອໃດທ່ານທັງຫຼາຍເຫັນກອງທັບຕ່າງໆ ມາຕັ້ງອ້ອມ
ກຸງເຢລູຊາເລັມ, ພວກທ່ານຕ້ອງປົບໜີໄປ”, ແຕ່ໄດ້ມົວເມົາຢູ່ກັບຄວາມຮູ້ສຶກແຫ່ງໄຊຊະນະ
ພວກເຂົາທັງໝົດລ້ວນແຕ່ໄດ້ຖືກທໍາລາຍ ຈາກການໂຈມຕີຄັ້ງທີສອງຂອງກອງທັບໂລມ.
[ຜູ້ປະກາດພະຄໍາໃນພະຄໍາພີ ໄດ້ທໍານວາຍກ່ຽວກັບສະໄໝນີ້ໄວ້ວ່າຢ່າງໃດ?]
ໂລກຖືວ່າ ການພິພາກສາຄັ້ງສຸດທ້າຍຂອງພະເຈົ້າດ້ວຍໄຟນັ້ນ ເປັນເລື່ອງຕະຫຼົກ.
ຢ່າງໃດກໍຕາມ, ພະເຈົ້າຊົງກໍາລັງລໍຖ້າມະນຸດຊາດ ເພາະພະອົງຊົງຕ້ອງການໃຫ້
ທຸກໆຄົນໄດ້ຮັບຄວາມພົ້ນ ເພື່ອຈະບໍ່ມີຜູ້ໃດຖືກທໍາລາຍ. ດັ່ງນັ້ນ, ສະມາຊິກຂອງ
ຄິດສະຕະຈັກຂອງພະເຈົ້າ ຈຶ່ງເປັນພິຍານເຖິງຂ່າວແຫ່ງຄວາມພົ້ນໃຫ້ແກ່ໂລກ
ຢ່າງຫ້າວຫັນ ຕາມພະປະສົງຂອງພະເຈົ້າ.
ໃນຍຸກສຸດທ້າຍນີ້ ພວກທີ່ຖືກຄວບຄຸມດ້ວຍຕັນຫາຂອງຕົນເອງຈະມາປະກົດ. ຄົນເຫຼົ່ານີ້
ຈະເຍາະເຍີ້ຍ ແລະ ເວົ້າສຽດສີພວກທ່ານ. ແລະຈະຖາມວ່າ “ພະອົງໄດ້ສັນຍາວ່າຈະມາ
ບໍ່ແມ່ນບໍ? ພະອົງຢູ່ໃສ?” ...ມື້ທີ່ສະຫວັນຊັ້ນຟ້າຈະຖືກທໍາລາຍດ້ວຍໄຟ ແລະ ຮ່າງແຫ່ງ
ສະຫວັນຈະເສື່ອມສູນໄປດ້ວຍຄວາມຮ້ອນຂອງແປວໄຟ. ແຕ່ພວກເຮົາຄອງຄອຍຖ້າສິ່ງທີ່
ພະເຈົ້າໄດ້ສັນຍາໄວ້ຄື: ທ້ອງຟ້າໃໝ່ ແລະ ແຜ່ນດິນໂລກໃໝ່ ບ່ອນທີ່ຄວາມຊອບທໍາດໍາລົງຢູ່.
[2 ເປໂຕ 3:3-13]
- ວັນທີໂພດສ໌
- 2023. 09. 15
- ຄວາມຮູ້ສຶກ
- 200
