ପାର୍ମେଶ୍ୱାର୍ରାଃ କାଜିକେ ଲାନ୍ଦା ଲେକାତେ ମାନାତିଙ୍ଗେ ରେୟାଃ ପାପ୍
300 views #Salvation #Prophecy #Disaster #Preachingଚିମ୍ତା ଆପେ ପାର୍ମେଶ୍ୱାର୍ରାଃ କାଜିକେ ମିୟାଦ୍ ଲାନ୍ଦାତେପେ ମାନାତିଙ୍ଗେରେଦ ଚିନାଃ ହବାଃଅୱା
ପାର୍ମେଶ୍ୱାର୍ ନେ ଅତେ ଦିଶୁମ୍କେ ନୁୱାଃ ଦିପିରେ ଦାଃଆ ଡୁବାତେ ଅଡ଼ଃ ସାଦମ୍ ଆର୍ ଆମରାକେ ସେଙ୍ଗେଲ୍ରତେ ବିଚାର୍କେଦ୍ ଇମ୍ତା, ପାର୍ମେଶ୍ୱାର୍ରାଃ କାଜିକେ ମିୟାଁଦ୍ ଲାନ୍ଦାଲେକାତେ ମାନାତିଙ୍ଗ୍କେନ୍ ହଡ଼କ, ଇନ୍କୁ କାକ ନିର୍ ଧାଳିୟାଁନା ମେନ୍ଦକ ଜିୟାନେୟାଁନା।
ଏନ୍ ଲେକାଗେ, “ମେନ୍ଦ ୟୀରୁଶାଲେମ୍ ଫାଉଦ୍ତେ କେସେଦ୍ ବିୟୁରାକାନ୍ପେ ନେଲେ ଇମ୍ତା ଆପେ ଏନ୍ତାଃଏତେ ସେନଃ ଲାଗାତିଙ୍ଗା” ୟୀଶୁୱାଃ ନେ କାଜିରେ ଅକନ୍ ହଡ଼କ କାକ ବିଶ୍ୱାସ୍କେଦା, ମେନ୍ଦ ଇନ୍କୁ ଧାଳିୟାନାବୁ ନେ ଉଡ଼ୁଃଲଃତେ ରୋମ୍ରେନ୍ ସିପାଇକତେ ଏଟାଃ ମାପାଃତୁପୁଇଁଙ୍ଗ୍ରେକ ଜିୟାନେୟାଁନା।
ନେ ଦିପିଲି ନାଗେନ୍ତେ ଧାରାମ୍ ପୁଥିରେନ୍ ନାବିକ ଅକନ୍ ଆୟାର୍କାଜିକ ବାଗେୟାକାଦା?
ସେଙ୍ଗେଲ୍ରାଃ ହୋରାତେ ପାର୍ମେଶ୍ୱାର୍ ଟୁଣ୍ଡୁରେ ବିଚାରେୟା ଦିଶୁମ୍ ନେୟାଁକେ ମିୟାଁଦ୍ ଲାନ୍ଦାଏ ମାନାତିଙ୍ଗ୍ତାନା।
ମେନ୍ଦ, ପାର୍ମେଶ୍ୱାର୍ ମାନୱାଁ ଜାତିକଏ ନେଲ୍ ହୋରାତାନା ଚିୟାଃଚି ଇନିଃ କାଏ ସାନାଙ୍ଗ୍ତାନା ଚି ମିୟାଁଦ ହଡ଼କ ଜିୟାନଃକା ମେନ୍ଦ ସୋବେନ୍କ ଦୁଗଃକା।
ନେ ଲେକାତେ, ପାର୍ମେଶ୍ୱାର୍ରାଃ କାଲିସିୟାରେନ୍ ହାଗାମିସିକ ଗୋଟା ଦିଶୁମ୍କେ ପାର୍ମେଶ୍ୱାର୍ରାଃ ସାନାଙ୍ଗ୍ ଲେକାତେ ସୁକୁକାଜି ରେୟାଃ ଗୱାଏ ପେରେଃତାନା।
ତାୟଁମ୍ ଦିପିଲିରେ ହୀଲା ହଡ଼କ ହିଲାତାନ୍ଲଃକ ହିଜୁଃୱା ଇନ୍କୁ ଆକୱାଃ ଏତ୍କାନ୍ ସାନାଙ୍ଗ୍ଲେକାକ ସେସେନା।
ଅଡ଼ଃ ଇନ୍କୁ, ଇନିଃ ହିଜୁଃରାଃ ବନର୍ସା କାଜି କତାଃରେୟାକ ମେନେୟାଁ?
…ଏନାତେ ସିର୍ମାକ ଜୁନୁଲ୍ତେ ସେରଃୱା, ଅଡ଼ଃ ମୁନୁରେୟାଃ ସୋବେନାଃ ଲଲତେ ଲେୟାଁଙ୍ଗ୍ଗଃୱାଁ।
ମେନ୍ଦ ଆବୁ ଇନିୟାଃ ବନର୍ସାକାଜିଲେକା ନାୱାଁ ସିର୍ମାକ ଆର୍ ନାୱାଁ ଅତେବୁ ନେଲ୍ ହୋରାତାନା, ଏନାରେ ଧାରାମ୍ ତାଇନା।
2ପାତ୍ରାସ୍ 3:3-13
- Post Date
- 2023. 09. 15
- Emotion
- 0
