[ການນະມັດສະການເປັນພິທີສໍາຄັນ ທີ່ເຮັດໃຫ້ພວກເຮົາສາມາດເຂົ້າໃກ້ພະເຈົ້າໄດ້]
ເຊັ່ນດຽວກັນກັບທີ່ອາດາມ ແລະ ເອວາສູນເສຍສະຫງ່າລາສີໃນສວນເອເດນ ຍ້ອນຄວາມບາບໃນການກິນໝາກໄມ້ຈາກຕົ້ນໄມ້ທີ່ໃຫ້ຮູ້ຈັກດີແລະຮູ້ຈັກຊົ່ວ, ມະນຸດຊາດກໍສູນເສຍສະຫງ່າລາສີທັງໝົດ ຍ້ອນບາບຂອງພວກເຂົາໃນສະຫວັນ ແລະ ຖືກຖິ້ມລົງມາສູ່ໂລກນີ້. ມະນຸດຊາດຖືກແຍກອອກຈາກພະເຈົ້າ ຍ້ອນບາບຂອງພວກເຂົາ, ແຕ່ພະເຈົ້າໄດ້ຊົງອະນຸຍາດໃຫ້ພວກເຂົານະມັດສະການພະອົງ ໂດຍຜ່ານເທດສະການສາມປາງເຈັດຊະນິດ ລວມທັງມື້ພະ ແລະ ປັດສະຄາ ເປັນວິທີທີ່ຈະໃຫ້ອະໄພບາບແກ່ພວກເຂົາໄດ້.
[ຄິດສະຕະຈັກຂອງພະເຈົ້າ ປະຕິບັດຕາມການນະມັດສະການ ເພື່ອໃຫ້ອະໄພການບາບ ເໝືອນດັ່ງ ການຖວາຍເຄື່ອງບູຊາຂອງອາເບັນ]
ພວກເຮົາສາມາດຢືນຢັນໃນພະຄໍາພີໄດ້ວ່າ ການຖວາຍເຄື່ອງບູຊາຂອງອາເບັນ ເຊິ່ງເຮັດໃຫ້ພະເຈົ້າຊົງພໍໃຈ ໄດ້ຖືກທໍານວາຍໄວ້ແລ້ວວ່າ ພະຄິດຈະຊົງໃຫ້ອະໄພການບາບແກ່ມະນຸດຊາດ ໂດຍການຫຼັ່ງໄຫຼເລືອດຂອງພະອົງເທິງໄມ້ກາງແຂນ. ໂດຍຜ່ານການເສຍສະຫຼະດ້ວຍເລືອດ ນັ້ນແມ່ນ ການນະມັດສະການ ທີ່ມະນຸດສາມາດເຂົ້າໃກ້ພະເຈົ້າຫຼາຍຂຶ້ນ ແລະ ກາຍເປັນສ່ວນໜຶ່ງໃນຄອບຄົວຂອງພະເຈົ້າ ໃນຖານະລູກຊາຍ ແລະ ລູກສາວຂອງພະອັນຊັງໂຮງ ແລະ ພະເຈົ້າພະມານດາ ພະຜູ້ຊ່ວຍໃຫ້ພົ້ນໃນສະໄໝພະວິນຍານບໍລິສຸດ.
ແຕ່ບັດນີ້ ໃນການຮ່ວມເຂົ້າກັບພະເຢຊູຄິດນັ້ນ ພວກທ່ານຜູ້ທີ່ເຄີຍຢູ່ຫ່າງໄກເມື່ອກ່ອນນັ້ນ ກໍຖືກເຮັດໃຫ້ຫຍັບເຂົ້າມາໃກ້ຊິດພະອົງ ໂດຍຄວາມຕາຍ (ໂດຍພະໂລຫິດ, RLV) ຂອງພະຄິດ. ... ດັ່ງນັ້ນແຫຼະ ພວກທ່ານຄົນບໍ່ເປັນຢິວ ຈຶ່ງບໍ່ເປັນຄົນຕ່າງດ້າວອີກຕໍ່ໄປ; ບັດນີ້ ພວກທ່ານເປັນພີ່ນ້ອງຮ່ວມພົນລະເມືອງກັບປະຊາຊົນຂອງພະເຈົ້າ ແລະ ເປັນສະມາຊິກໃນຄອບຄົວຂອງພະເຈົ້າ. [ເອເຟໂຊ 2:13, 19]
- ວັນທີໂພດສ໌
- Dec 26, 2025
- ຄວາມຮູ້ສຶກ
- 208
