ວັນສະເດັດຂຶ້ນສູ່ສະຫວັນ ແລະ ຄວາມຫວັງແຫ່ງການຂຶ້ນສູ່ສະຫວັນ

[ຄວາມຫວັງແຫ່ງການຂຶ້ນສູ່ສະຫວັນ ຖືກມອບໃຫ້ມະນຸດຊາດ ໂດຍຜ່ານວັນສະເດັດຂຶ້ນສູ່ສະຫວັນ]

ໂດຍຜ່ານເຫດການປະຫວັດສາດທີ່ພະເຢຊູໄດ້ຊົງສະເດັດຂຶ້ນສູ່ສະຫວັນ ເມື່ອ 2,000 ປີກ່ອນນັ້ນ,
ພະເຈົ້າໄດ້ຊົງປະທານແກ່ພວກເຮົາ ຄວາມຫວັງແຫ່ງການຂຶ້ນສູ່ສະຫວັນ, ຄວາມຫວັງທີ່ມີີຊີວິດ
ເຊິ່ງພວກເຮົາຈະປ່ຽນແປງໃໝ່ ດ້ວຍລິດອໍານາດຂອງພະເຈົ້າ ແລະ ພົບກັບພະຜູ້ເປັນເຈົ້າໃນຟ້າອາກາດ.

[ບັນດາຜູ້ປະກາດພະຄໍາ ຜູ້ທີ່ໄດ້ຂຶ້ນສູ່ສະຫວັນ ໃນຂະນະທີ່ດໍາເນີນໄປກັບພະເຈົ້າ]

ເອນົກ ໄດ້ດໍາເນີນໄປກັບພະເຈົ້າສະເໝີ ແລະ ລາວໄດ້ຂຶ້ນສູ່ສະຫວັນ
ໂດຍທີ່ຍັງມີຊີວິດຢູ່ ໂດຍຖືກຮັບຮູ້ວ່າ ເປັນຜູ້ທີ່ພໍໃຈພະເຈົ້າ.
ໂນອາກໍ່ເຊັ່ນກັນ ໄດ້ດໍາເນີນໄປກັບພະເຈົ້າຢູ່ຕະຫຼອດເວລາ ແລະ ລາວໄດ້ຮັບຄວາມພົ້ນ ຈາກການຕັດສິນລົງໂທດດ້ວຍນໍ້າ.
ເອລີຊາ ໄດ້ຕິດຕາມ ເອລີຢາ ໄປຈົນເຖິງສຸດທ້າຍ ຄື
ຈົນກວ່າມື້ທີ່ ເອລີຢາຖືກຮັບຂຶ້ນສູ່ສະຫວັນ ແລະ ໄດ້ສືບທອດ ໃນຖານະຜູ້ປະກາດພະຄໍາ.

ມື້ນີ້, ບັນດາສະມາຊິກຂອງຄິດສະຕະຈັກຂອງພະເຈົ້າ ກໍາລັງດໍາເນີນຊີວິດ
ແຫ່ງການກັບໃຈເຊົາເຮັດບາບ ທີ່ເປັນທີ່ພໍໃຈພະເຈົ້າ
ໂດຍດໍາເນີນໄປກັບ ພະບິດາອັນຊັງໂຮງ ແລະ ພະເຈົ້າພະມານດາ
ໃນທາງແຫ່ງຂ່າວປະເສີດ ດ້ວຍຄວາມຫວັງແຫ່ງການຂຶ້ນສູ່ສະຫວັນ.

ແມ່ນຄວາມເຊື່ອ ທີ່ໄດ້ເຮັດໃຫ້ເອນົກ ບໍ່ໄດ້ພົບກັບຄວາມຕາຍ.
ແຕ່ເພິ່ນໄດ້ຖືກຮັບຂຶ້ນສູ່ສະຫວັນ ແລະ ບໍ່ມີໃຜພົບເຫັນເພິ່ນອີກ. ດັ່ງທີ່ມີຂຽນໄວ້ໃນພະຄຳພີວ່າ
ກ່ອນເອນົກ ໄດ້ຖືກຮັບຂຶ້ນສູ່ສະຫວັນນັ້ນ ເພິ່ນເປັນທີ່ພໍໃຈພະເຈົ້າ. [ເຮັບເລີ 11:5]