ຈະຊົງສະເດັດມາເທິງເມກ

ເປັນຫຍັງດານີເອນຈຶ່ງກ່າວວ່າ ພະເຢຊູຈະຊົງສະເດັດມາເທິງເມກ?

ເຫດຜົນທີ່ທັງພະເຢຊູຜູ້ຊົງສະເດັດມາເທື່ອທໍາອິດ ແລະ ພະເຢຊູຜູ້ຊົງສະເດັດມາເທື່ອທີສອງ ໄດ້ຖືກທໍານວາຍວ່າ ຈະຊົງ “ສະເດັດມາເທິງເມກ” ນັ້ນກໍຍ້ອນວ່າ ເນື້ອໜັງໄດ້ປິດບັງຄວາມສະຫວ່າງແຫ່ງພະສະພາບຂອງພະເຈົ້າ ດັ່ງທີ່ເມກປິດບັງແສງຕາເວັນໄວ້.

ພວກເຮົາສາມາດເຂົ້າໃຈໄດ້ວ່າ ພະເຢຊູຈະຊົງສະເດັດມາອີກຄັ້ງເປັນມະນຸດ ຜ່ານທາງຄໍາທໍານວາຍທີ່ວ່າ “ມີຝູງແກະອື່ນທີ່ເປັນຝູງແກະຂອງເຮົາ ແຕ່ບໍ່ຢູ່ໃນຄອກນີ້.” ແລະ “ພະເຈົ້າຈະຊົງສັ່ງສອນພວກເຮົາໃນຍຸກສຸດທ້າຍ”.

ພະຄິດຜູ້ຊົງສະເດັດມາໃນສະພາບເນື້ອໜັງຄື ພະວິນຍານ ແລະ ເຈົ້າສາວ ຜູ້ຊົງປະທັບຢູ່ໃນຄິດສະຕະຈັກຂອງພະເຈົ້າ

ເມື່ອສອງພັນປີກ່ອນ ຊາວຢິວທີ່ລໍຖ້າພະເມຊີອານັ້ນພຽງແຕ່ແນມເບິ່ງເມກໃນທ້ອງຟ້າ. ໃນສະໄໝພະວິນຍານບໍລິສຸດນີ້ກໍເຊັ່ນກັນ, ຖ້າຜູ້ໃດຍັງແນມເບິ່ງພຽງແຕ່ເມກໃນທ້ອງຟ້າ ດ້ວຍຄວາມຄິດທີ່ຜິດເຊັ່ນດຽວກັນກັບຊາວຢິວນັ້ນ ພວກເຂົາກໍຈະບໍ່ສາມາດຮັບພະພອນແຫ່ງຄວາມພົ້ນ ຈາກພະຄິດຜູ້ຊົງສະເດັດມາເທື່ອທີສອງ ແລະ ພະເຈົ້າພະມານດາໄດ້.

ລູກາ 21:27-28