पिता आन सांग होंग हे परमेश्वर आहेत, ख्रिस्त जे दुसर्‍यांदा आले ४

बायबलमध्ये साक्ष दिलेल्या मलकीसदेकाने स्थापित केलेली मंडळी ‘चर्च ऑफ गॉड’ आहे

अब्राहामाने मलकीसदेकाला दशमांश दिला, ज्याने त्याला भाकर व द्राक्षरसाने आशीर्वाद दिला. आणि दावीदाने भविष्यवाणी केली की, “मलकीसदेकच्या संप्रदायाप्रमाणें सार्वकालिक याजक परमेश्वर आहे.” तसेच, प्रेषित पौलाने “मलकीसदेकाला पिता व माता नाही किंवा वंशावळ नाही,” असे सांगून, मानवजातीच्या तारणासाठी पवित्र आत्म्याच्या युगात पुन्हा येणाऱ्या ख्रिस्ताविषयी साक्ष दिली.

यशयाच्या पुस्तकात भविष्यवाणी केल्याप्रमाणे, जुन्या द्राक्षरसाने मृत्यूला कायमचा गिळंकृत करणारा परमेश्वर कोण आहे?

जुन्या करारातील मलकीसदेकाने अब्राहामाला भाकर आणि द्राक्षरसाद्वारे शारीरिक आशीर्वाद दिला. त्याचप्रमाणे, येशूने नवीन कराराच्या वल्हांडणाच्या भाकर व द्राक्षरसाद्वारे पापांची क्षमा आणि अनंतकालिक जीवनाचा आशीर्वाद दिला.

ख्रिस्त आन सांग होंग यांनी १,६०० वर्षांपासून रद्द झालेला नवीन कराराचा वल्हांडण पुन्हा स्थापित करून साक्ष दिली की, तेच मलकीसदेकच्या संप्रदायाप्रमाणें आलेले परमेश्वर आहेत.

कदार्लागोमर आणि त्याच्याबरोबरचे राजे यांस मारून तो माघारीं येत असतां . . . आणि शालेमाचा राजा मलकीसदेक भाकर व द्राक्षारस घेऊन त्यास सामोरा आला . . . तेव्हां अब्रामानें त्याला अवघ्याचा दहावा भाग दिला उत्पत्ती १४:१७–२०

मग येशूनें सांगितल्याप्रमाणें शिष्यांनीं जाऊन वल्हांडणाची तयारी केली. . . . येशूने भाकर घेऊन व आशीर्वाद देऊन . . . आणि त्याने प्याला घेतला व उपकारस्तुती करून . . . “हे माझे [नव्या] ‘कराराचे रक्त’ आहे. हे पापांची क्षमा होण्यासाठी पुष्कळांकरता ओतले जात आहे.” मत्तय २६:१९–२८

सेनाधीश परमेश्वर . . . राखून ठेवलेल्या द्राक्षारसाची मेजवानी करीत आहे . . . त्या दिवशी ते म्हणतील, “पाहा, हा आमचा देव! ह्याची आम्ही आशा धरून राहिलो; तो आमचे तारण करील.” यशया २५:६–९