စာတနျ၏အာဏာစကျမှ ဘုရားသခငျထံသို့ ပွနျလာစခွေငျး

စာတန်၏အာဏာစက်မှ ဘုရားသခင်ထံ ပြန်လာစေသည့် အသေချာဆုံး နည်းလမ်း၊ ဘုရားသခင်၏ပညတ်တော်

ဘုရားသခင်ဆီ ပြန်သွားနိုင်တဲ့နည်းလမ်းကို ဟေဇကိမင်းကြီးက ပသခါပွဲစောင့်ခြင်း လို့ပြောထားပြီး၊ ပရောဖက် မာလခိက ဆယ်ဖို့တစ်ဖို့နဲ့ ပူဇော်သကာပညတ်ကို ကျင့်ဆောင်ခြင်းဖြစ်တယ်လို့ သင်ပေးနေပါတယ်။
ပြီးတော့ တမန်တော်ယောဟန်ဟာ ဘုရားသခင်ဘက်ကနေ စာတန်ကိုဆန့်ကျင်တဲ့ မိန်းမရဲ့ကျန်ကြွင်းတဲ့အမျိုးအနွယ်တွေဟာ ဘုရားသခင်ရဲ့ပညတ်တော် (ဥပုသ်နေ့နဲ့ ပသခါပွဲ လိုမျိုး)ကို စောင့်ရှောက်တဲ့သူတွေဖြစ်တယ်လို့ ကြိုတင်ဟောပြောခဲ့ပါတယ်။

ဘုရားသခင်၏အသင်းတော်သည် ဘုရားသခင်နှင့်သက်ဆိုင်သည့် အသင်းတော်ဖြစ်ကြောင်း အထောက်အထား၊ ဘုရားသခင်၏ပညတ်တော်

တမန်တော်ပေါလုဟာ ဘုရားသခင်ရဲ့ပညတ်တော်အားဖြင့် စာတန်ရဲ့အာဏာအောက်မှာနေတဲ့သူတွေကို ကယ်တင်ခဲ့သလိုမျိုး၊ ဒီနေ့ခေတ် ဘုရားသခင်၏အသင်းတော် မိသားစုဝင်တွေဟာ ကမ္ဘာတစ်ဝန်းလုံးမှာ ပဋိညာဉ်တရားသစ် ဥပုသ်နေ့နဲ့ ပသခါပွဲကို ဟောပြောပြီး စာတန်ရဲ့အာဏာအောက်မှာရှိတဲ့သူတွေဆီ ခရစ်တော်အန်ဆန်ဟုန်းနဲ့ အမေဘုရားသခင်ရဲ့ ကယ်တင်ခြင်းဆီ ခေါ်ဆောင်ပါတယ်။

ငါ့ကိုချစ်၍ ငါ့ပညတ်တို့ကိုကျင့်သောသူတို့၏ အမျိုးအစဉ်အဆက် အထောင်အသောင်းတိုင်အောင်၊ ကရုဏာကိုပြသော ဘုရားဖြစ်၏။
ထွက်မြောက်ရာကျမ်း ၂၀:၆

ငါကား၊ သင်ညှဉ်းဆဲသော နာဇရက်မြို့သား ယေရှုဖြစ်သတည်း။ သို့သော်လည်း၊ ထ၍မတ်တတ်နေလော့။ ...ငါသည်သင့်အား ထင်ရှား၏။ တစ်ပါးအမျိုးသားတို့သည် မှောင်မိုက်မှ အလင်းသို့ ကူးမြောက်၍၊ စာတန်၏အာဏာထဲမှ ဘုရားသခင့်အထံတော်သို့ ပြောင်းလဲသောအားဖြင့် ...သူတို့၏မျက်စိကို ဖွင့်စေခြင်းငှာ
တမန်တော်ဝတ္ထု ၂၆:၁၅-၁၈