Kubui tei Phatra

Chwng chini ganagini-o naharwi nai phuru, horni nokha-o athukirirok
tongma swkno chwng kwbángma krusrok nugwi manno.

Haiphano, kaisa súk chini khá-o muitu phaimani
wng kha kwbángma krusrok tongma hai kheno,
katswi kwbángma phrwngmungrok tei denomination-rok tongo.

Baibel wng kha káisano, tei Jisu kóthoma kaham káisano píro.
Haiphano, tabuk, Jisuni 2,000 bisini yagulo,
tamni bagwi aswk kwbángma phrwngmungrok
tei denomination-rok wng kha?

Bórok jotono bórok wng kha kubui se hwnwi gosi lai-o,
buirokno khe “phatra” hwnwi ring laiwi, je bórok wng kha
bórokni slái juda hai khe.

Tumung chwng Jisuno chini mwthangnaisa hwnwi puitu khlai khe, abo kubui
bai a phatrano khagwi buchinani belai kheno nango tamni hwn khe abo
chini mwthangmung bai se kwrwng laijak.

2,000 bisi swkango, Jisu kóthoma kaham
pír kha tei Bini sagrirok abono tẃi kha.
Hakhe, bubo ba kubui kóthoma kaham wng kha?