Palihog Himoa Kaming Maanindot nga Bisting Lino ni Inahan

Ang Bisting Lino sa Pangasaw-onon sa Nating Karnero sa Bangkite sa Kasal Nagsimbolo sa Maayong Binuhatan sa mga Balaan

Ang Biblia nagpropesiya nga kon ang katawhan mahugasan sa tanang niaging sala ug lawasnong kinaiya pinaagi sa bunyag ug matawo pag-usab pinaagi sa matarong nga binuhatan, mahimo silang maanindot nga bisting lino ni Langitnong Inahan, ang Pangasaw-onon, ug makatagamtam sa walay kataposang himaya isip harianong pagkapari sa gingharian sa langit.

Unsa nga mga Kinaiya ang Gikinahanglan sa mga Prinsipe ug mga Prinsesa aron Makadawat sa Kabilin sa Dios sa Gingharian sa Langit?

Aron mahimong harianong pagkapari sa langit, kinahanglang makadawat kita sa mga pagtulon-an sa Dios pinaagi sa Biblia. Ang mga miyembro sa Church of God nagtuman dili lang sa Adlaw nga Igpapahulay ug sa Pagsaylo, apan nagkulit usab sa ilang mga kasingkasing sa mga pagtulon-an ni Cristo Ahnsahnghong nga miingon, “Maghiusa kamo, paghigugmaay, ug isul-ob ang bag-ong pagkatawo,” ug nagtuman niini, nagpadayag sa himaya sa Dios sa tibuok kalibutan pinaagi sa maayong binuhatan.

Maghugyaw ug maglipay kita ug daygon nato ang iyang pagkagamhanan! Kay miabot na ang panahon sa kasal sa Nating Karnero ug andam na ang iyang pangasaw-onon. Gipasul-ob siya sa bisting lino nga sulaw ang kaputi ug limpyo.” Ang lino mao ang maayong binuhatan sa katawhan sa Dios. Revelation 19:7–8

Busa sultihan ko kamo nga dili kamo makasulod sa Gingharian sa langit kon ang inyong pagtuman sa kabubut-on sa Dios sama lamang sa gihimo sa mga magtutudlo sa Balaod ug sa mga Pariseo. Matthew 5:20