ປະຕິກິລິຍາຂອງມະນຸດຕໍ່ພະເຈົ້າ ທີ່ຊົງສະເດັດມາໃນສະພາບເນື້ອໜັງ

[ພວກເຮົາຕ້ອງມີຄວາມເຊື່ອແບບໃດ ທີ່ຈະເຊື່ອຄໍາທໍານວາຍຕ່າງໆໃນພະຄໍາພີ?]

ເມື່ອພະເຈົ້າ ຜູ້ຊົງເປັນພະຄໍາຕັ້ງແຕ່ເລີີ່ມຕົ້ນ ໄດ້ຊົງສະເດັດມາໂລກນີ້ໃນສະພາບເນື້ອໜັງ,
ໄດ້ມີຊາວຢິວທີ່ບໍ່ໄດ້ເຊື່ອ ແລະ ພະຍາຍາມຄວ່າງກ້ອນຫີນໃສ່ພະອົງ. ຢ່າງໃດກໍຕາມ,
ຜູ້ຄົນດັ່ງເຊັ່ນ: ອັບລາຮາມ ແລະ ອັກຄະທູດໂຢຮັນ, ໂປໂລ ແລະ ເປໂຕ ແຫ່ງຄິດສະຕະຈັກຕອນຕົ້ນ
ໄດ້ຮັບໃຊ້ພະເຈົ້າໃນສະພາບເນື້ອໜັງ ດ້ວຍສຸດຈິດສຸດໃຈຂອງພວກເຂົາ.

[ຄິດສະຕະຈັກຂອງພະເຈົ້າອວດອ້າງກ່ຽວກັບ ພະເຈົ້າພະບິດາ ແລະ ພະເຈົ້າພະມານດາ]

ຜູ້ທີ່ມີພາລະກິດເປັນພິຍານກ່ຽວກັບພະເຈົ້າພະເຢໂຮວາ ໃນສະໄໝພະບິດາ; ພະເຢຊູ ໃນສະໄໝພະບຸດ;
ພະເຈົ້າພະອັນຊັງໂຮງ ແລະ ພະເຈົ້າພະມານດາ ໃນສະໄໜພະວິນຍານບໍລິສຸດ
ແມ່ນບັນດາຜູ້ທີ່ຖືກທໍານວາຍວ່າ: ເປັນ “ປະຊາຊົນຜູ້ທີ່ຈະຖືກສ້າງຂຶ້ນ”.

“ເຮົາກັບພະບິດາກໍເປັນອັນໜຶ່ງອັນດຽວກັນ. ປະຊາຊົນຈຶ່ງຈັບກ້ອນຫີນ ວ່າຈະຄວ່າງໃສ່ພະອົງ.” ພະເຢຊູກ່າວຕໍ່ພວກເຂົາວ່າ “ເຮົາໄດ້ເຮັດການດີຫຼາຍຢ່າງຊ້ອງໜ້າພວກທ່ານ ທີ່ພະບິດາໄດ້ມອບໃຫ້ເຮົາເຮັດ; ພວກທ່ານຈະຄວ່າງກ້ອນຫີນໃສ່ເຮົາຍ້ອນເລື່ອງຫຍັງ?” ພວກເຂົາຕອບຄືນວ່າ “ພວກຂ້ອຍບໍ່ຕ້ອງການຄວ່າງກ້ອນຫີນໃສ່ເຈົ້າ ຍ້ອນການດີຢ່າງໃດຢ່າງໜຶ່ງ ແຕ່ຍ້ອນເຈົ້າເວົ້າໝິ່ນປະໝາດພະເຈົ້າ! ເຈົ້າເປັນພຽງແຕ່ມະນຸດເທົ່ານັ້ນ ແຕ່ເຈົ້າພະຍາຍາມຕັ້ງເຈົ້າເອງເປັນພະເຈົ້າ!”
[ໂຢຮັນ 10:30-33]