တွေ့နိုင်သည့်နေရာတွင် ရှာရန်လိုအပ်သည့် အမှန်တရား

ကယ်တင်ခြင်းနဲ့ အပြစ်ခွင့်လွှတ်ခြင်းကို ရှာတွေ့နိုင်တဲ့၊
ဘုရားသခင် ကိန်းဝပ်တော်မူတဲ့နေရာက ဘယ်နေရာဖြစ်ပါသလဲ။

ကျွန်ုပ်တို့ ပျောက်သွားတဲ့ပစ္စည်းကို ရှာဖို့အတွက်၊
အဲဒီပစ္စည်း ပျောက်ဆုံးခဲ့တဲ့နေရာကို သွားဖို့ လိုအပ်ပါတယ်။
ဒီလိုပါပဲ၊ လူသားတိုင်းဟာ ကယ်တင်ခြင်းနဲ့ အပြစ်ခွင့်လွှတ်ခြင်းကို လိုချင်တယ်ဆိုရင်၊
ဘုရားသခင်ရဲ့ပွဲတော်တွေကို ကျင်းပတဲ့ ဇိအုန်ကို ရှာဖွေဖို့ လိုအပ်ပါတယ်။
အကြောင်းကတော့ ဘုရားသခင်ဟာ ကယ်တင်ခြင်းကို
အဲဒီနေရာမှာ ကတိပေးထားလို့ပဲ ဖြစ်ပါတယ်။

လူသားတို့ရှာသင့်သည့် ဇိအုန်သည် ဘုရားသခင်၏အသင်းတော်ဖြစ်သည်။

ကျမ်းစာထဲမှာ ရေးသားထားတဲ့ ပဋိညာဉ်တရားသစ်ရဲ့
သုံးပိုင်းခွဲထားတဲ့ ပွဲတော်ခုနစ်ခုကို အပြည့်အဝစောင့်ရှောက်ပြီး၊
ခရစ်တော်အန်ဆန်ဟုန်းနဲ့ အသစ်သောယေရုရှလင် ကောင်းကင်အမေကို
လေးစားကြည်ညိုတဲ့ ဘုရားသခင်ရဲ့သားသမီးတွေ စုဝေးတဲ့နေရာဟာ
ဘုရားသခင်၏အသင်းတော် ကမ္ဘာဧဝံဂေလိ သာသနာပြုအဖွဲ့အစည်းပဲ ဖြစ်ပါတယ်။

“ငါတို့ပွဲခံရာမြို့၊ ဇိအုန်မြို့ကို ကြည့်ရှုလော့။ တိုင်တစ်ခုမျှမရွှေ့၊
ကြိုးတစ်ခုမျှမပြတ်၊ အလျှင်းမပျက်ရသော တဲတည်းဟူသော
ငြိမ်ဝပ်သောနေရာ ယေရုရှလင်မြို့ကို ကိုယ်မျက်စိနှင့်မြင်ရလိမ့်မည်။ ...
ထိုမြို့တွင် ဘုန်းကြီးသောထာဝရဘုရားသည် ငါတို့၌ ကျယ်သောမြစ်များ
ဆုံးရာအရပ် ဖြစ်တော်မူလိမ့်မည်။ ... ထာဝရဘုရားသည် ငါတို့၏ရှင်ဘုရင်ဖြစ်၍၊
ငါတို့ကို ကယ်တင်တော်မူလိမ့်မည်။”
ဟေရှာယအနာဂတ္တိကျမ်း ၃၃:၂၀-၂၂