मन निराश हुँदा - राजा शाऊलबाट शिक्षा

राजा शाऊल इस्राएलको पहिलो राजा थिए ।
आफूलाई कमजोर ठानेका शाऊललाई परमेश्वरले राजाको रूपमा नियुक्त गर्नुभयो ।
तर शाऊलले परमेश्वरको वचन पूर्ण रूपमा पालन नगरेकोले शाऊललाई राजा तुल्याएकोमा परमेश्वरले पछुतो मान्नुभयो ।

राजा शाऊलभन्दा ठीक विपरीत परमेश्वरमा पूर्णतः भरोसा गर्ने र उहाँको जस्ताको तस्तै पालन गर्ने दाऊदलाई, परमेश्वरले मेरो हृदयअनुसारको मानिस भनेर प्रशंसा गर्नुभयो । परमेश्वरका प्रजालेसमेत दाऊदको प्रशंसा गरेकाले निराश हुन थालेका राजा शाऊल दाऊदप्रति ईर्ष्या र डाह गरेर तिनलाई मार्न खोजे ।

त्यसको परिणामस्वरूप परमेश्वरले राजा शाऊललाई त्याग्नुभयो र तिनले दःखद् अन्त्य भोगे ।
राजा शाऊलको यो इतिहासद्वारा विश्वासको बाटोमा हिँडिरहेका हामीले आफ्नो स्वरूपलाई फर्केर हेर्नुपर्छ ।

हामीले विश्वासको बाटोमा सँगै हिँडिरहेका हाम्रा दाजुभाइ-दिदीबहिनीहरूप्रति कहिलेकहीँ निराश महसुस गरेका त छैनौं ?

दाजुभाइ-दिदीबहिनीहरूप्रति निराश महसुस हुँदा, कतै हामीले आफूलाई उहाँहरूभन्दा उत्कृष्ट ठानिरहेका छौं कि भनेर आफैलाई जाँची हेरौं ।