Ang Pagsusulit

[Ang Taos-pusong Pananampalataya Ay ang Pananampalataya na Hindi Nayayanig sa mga Paghihirap at mga Pagsubok]

Ang mga Israelita ay nagbulung-bulungan at nagreklamo laban sa Diyos sa kanilang 40 taóng paglalakbay sa disyerto, kaya hindi sila nakapasok sa Canaan sa huli. Sa pamamagitan ng kasaysayang ito, matututunan natin na ang sangkatauhang umaasa na makapasok sa kaharian ng langit ay kailangang magkaroon ng taos-pusong pananampalataya na hindi nayayanig sa ano mang sitwasyon.

[Ang Pagsusulit ng Diyos Para sa Atin Ay Kung Tatanggapin ba Natin ang Diyos na Dumating sa Laman]

Kung nais nating maipasá ang pagsusulit ng Diyos na pagpili sa maharlikang pagkapari ng kaharian ng langit, dapat nating tanggapin si Cristo Ahnsahnghong na nagpakita sa ikalawang pagkakataon at ang Diyos Ina, gaya ng mga banal ng sinaunang Simbahan na nakakilala at tumanggap kay Jesus na dumating sa laman.

Siya noon ay nasa sanlibutan at ang sanlibutan ay ginawa sa pamamagitan niya, gayunma’y hindi siya nakilala ng sanlibutan. Siya’y naparito sa kanyang sariling tahanan at siya’y hindi tinanggap ng kanyang sariling bayan. Subalit ang lahat ng tumanggap sa kanya na sumasampalataya sa kanyang pangalan ay kanyang pinagkalooban sila ng karapatan na maging mga anak ng Diyos
John 1:10–12