ຄວາມສໍາຄັນຂອງນໍ້ານົມແມ່ ຫຼືທີ່ເອີ້ນວ່າ ເລືອດຂາວຂອງແມ່

ປະການທໍາອິດ, ນໍ້ານົມແມ່ຊ່ວຍເສີມສ້າງຄວາມຜູກພັນອັນແໜ້ນແຟ້ນ ລະຫວ່າງແມ່ກັບລູກ ແລະ ເປັນແຫຼ່ງສານອາຫານທີ່ສໍາຄັນ. ນໍ້ານົມທໍ່ອິດ ຄື ນໍ້ານົມເຫຼືອງເຮັດໜ້າທີ່ເໝືອນດັ່ງວັກຊີນທໍາມະຊາດ ທີ່ຊ່ວຍປົກປ້ອງເດັກນ້ອຍເກີດໃໝ່. ນໍ້ານົມເຫຼືອງຊ່ວຍໃຫ້ເດັກນ້ອຍໄດ້ຮັບການປົກປ້ອງຈາກພະຍາດຕ່າງໆໄດ້ 100% ການຄໍານຶງເຖິງຄວາມສໍາຄັນຂອງນໍ້ານົມແມ່ ແມ່ນເນັ້ນຢໍ້າເຖິງຫຼັກການສໍາຄັນ, ບໍ່ພຽງແຕ່ໃນໂລກທາງວັດຖຸເທົ່ານັ້ນ ແຕ່ຍັງລວມເຖິງໂລກຝ່າຍຈິດວິນຍານດ້ວຍ.

“ຂ້າແດ່ພະຜູ້ເປັນເຈົ້າ ພະເຈົ້າຂອງຂ້າພະອົງທັງຫຼາຍ! ພະອົງເປັນຜູ້ສົມຄວນທີ່ຈະໄດ້ຮັບຄໍາສັນລະເສີນ, ກຽດສັກສີ ແລະ ລິດອໍານາດ. ດ້ວຍວ່າພະອົງໄດ້ສ້າງສັບພະສິ່ງ ໂດຍພະປະສົງ ສັບພະສິ່ງເຫຼົ່ານີ້ກໍດໍາລົງຄົງຕົວ ແລະ ມີຊີວິດຢູ່.”
ພະນິມິດ 4:11

ດັ່ງທີ່ມີແມ່ ຜູ້ທີ່ລ້ຽງລູກດ້ວຍນົມແມ່ໃນໂລກນີ້, ກໍມີແມ່ຝ່າຍຈິດວິນຍານ ຜູ້ທີ່ລ້ຽງພວກເຮົາດ້ວຍນົມແມ່ຝ່າຍຈິດວິນຍານດ້ວຍແມ່ນບໍ?
ພະຄໍາພີຢືນຢັນເຖິງການດໍາຢູ່ຂອງແມ່ຝ່າຍຈິດວິນຍານໃນສະຫວັນ ເຊິ່ງສອດຄ່ອງກັບປະສົບການໃນໂລກຂອງແມ່ທີ່ລ້ຽງບັນດາລູກຂອງຕົນ ພ້ອມກັບການຈັດຕຽມອາຫານຝ່າຍຈິດວິນຍານໃຫ້.

ແຕ່ກຸງເຢລູຊາເລັມທີ່ເທິງຊັ້ນຟ້ານັ້ນ ເປັນອິດສະຫຼະ ແລະ ນາງກໍເປັນແມ່ຂອງພວກເຮົາ.
ຄາລາເຕຍ 4:26

ພະຄໍາພີໄດ້ທໍານວາຍວ່າ ໃນສະໄໝສຸດທ້າຍ, ພະມານດາແຫ່ງສະຫວັນ ເຢລູຊາເລັມ ຈະຊົງປະທານນໍ້ານົມແມ່ຝ່າຍຈິດວິນຍານ ຄືເລືອຂາວຝ່າຍຈິດວິນຍານ ແກ່ມະນຸດຊາດທຸກຄົນທີ່ຕ້ອງການຮັບຄວາມພົ້ນ.

ຈົ່ງຍິນດີເຖີດ ຈົ່ງດີໃຈນໍາກຸງເຢລູຊາເລັມ ພວກເຈົ້າທຸກຄົນທີ່ຮັກແພງນະຄອນນີ້!... ພວກເຈົ້າຈະດີໃຈທີ່ເຫັນພະນະຄອນຮຸ່ງເຮືອງດັ່ງເດັກນ້ອຍຜູ້ໜຶ່ງຢູ່ໃນອ້ອມເອິກຂອງແມ່. ພະຜູ້ເປັນເຈົ້າກ່າວວ່າ “ເຮົາຈະນໍາຄວາມຈະເລີນຮຸ່ງເຮືອງທີ່ຍາວນານມາສູ່ພວກເຈົ້າ; ຊັບສົມບັດຂອງຊົນຊາດຕ່າງໆ ຈະຫຼັ່ງໄຫຼມາສູ່ພວກເຈົ້າ ດັ່ງສາຍນໍ້າທີ່ບົກແຫ້ງບໍ່ເປັນຈັກເທື່ອ. ພວກເຈົ້າຈະເປັນດັ່ງເດັກນ້ອຍຜູ້ທີ່ແມ່ອູ້ມໃຫ້ກິນນົມ ແລະ ຖະນຸຖະໜອມດ້ວຍຄວາມຮັກ.
ເອຊາຢາ 66:10-13

ດັ່ງທີ່ລູກໄດ້ຮັບຊີວິດ ໂດຍຜ່ານແມ່ຝ່າຍຮ່າງກາຍ, ພວກເຮົາກໍໄດ້ຮັບຄວາມພົ້ນ ໂດຍຜ່ານແມ່ຝ່າຍຈິດວິນຍານເຊັ່ນກັນ.