ဒုတိယအကြိမ်ကြွလာသော ခရစ်တော်အန်ဆန်ဟုန်းသည် မိုးတိမ်အစစ်ကို စီး၍ကြွလာခဲ့ပါသလား။

[ဒုတိယအကြိမ်ကြွလာသော ခရစ်တော်အန်ဆန်ဟုန်းသည် သမ္မာကျမ်းစာ၏ ကြိုတင်ဟောကြားချက်အတိုင်း လူ့ဇာတိအားဖြင့် ကြွလာခဲ့ပါသည်။]

မီးအားဖြင့် တရားမစီရင်ခင် မိုးတိမ်စီးပြီး ဒုတိယအကြိမ်ကြွလာတော်မူတဲ့ ခရစ်တော်ကို ကြိုဆိုလက်ခံမှပဲ ကယ်တင်ခြင်းရရှိနိုင်ပါတယ်။ ဒီနေရာမှာ မိုးတိမ်ဆိုတာဟာ ကောင်းကင်ပေါ်က တကယ့်မိုးတိမ် မဟုတ်ဘဲ လူ့ဇာတိကိုဆိုလိုတဲ့ ကျမ်းစာဆိုင်ရာဥပမာဖြစ်တယ်ဆိုတာကို ယေရှုခရစ်တော်ရဲ့ ကြိုတင်ဟောစကားနဲ့ အောင်မြင်ခြင်းကတစ်ဆင့် သိနိုင်ပါတယ်။

ဒုတိယအကြိမ် လူ့ဇာတိနဲ့ကြွလာမယ့်အကြောင်းကို မိုးတိမ်စီးပြီးကြွလာမယ်လို့ ကြိုတင်ဟောပြောရတဲ့အကြောင်းရင်းကတော့ မိုးတိမ်က နေရဲ့အလင်းကို ဖုံးထားသလိုမျိုး လူ့ဇာတိက ဘုရားသခင့်ဘုန်းတော်ရဲ့အလင်းကို ဖုံးတဲ့အခန်းကဏ္ဍကို လုပ်ဆောင်ပြီး၊ မိုးတိမ်ကနေကျလာတဲ့ မိုးရေအားဖြင့် အရာခပ်သိမ်းက ပြန်အသက်ဝင်လာသလို ဘုရားသခင်ဟာ လူ့ဇာတိနဲ့ကြွလာပြီး အသက်ရေနှုတ်ကပတ်တော်အားဖြင့် လူသားတွေကိုကယ်တင်မယ့်အကြောင်းကို သိစေဖို့အတွက်ဖြစ်ပါတယ်။