လူတိုင်းရှုမြင်ရကြမည်ဖြစ်သောကြောင့် လူ့ဇာတိဖြင့်ကြွမလာနိုင်ပါဟုပြောဆိုခြင်းသည် မှားယွင်းပါသည်

[မည်သူမဆို မြင်နိုင်ရန် လူ့ဇာတိဖြင့် ကြွလာတော်မူသော ဒုတိယအကြိမ်ကြွလာသောခရစ်တော်]

တည်ထောင်ခဲ့ပြီးတဲ့အသင်းတော်တွေက “မိုး​တိမ်​နှင့်​တ​ကွ ကြွ​လာ​တော်​မူ​သည်​ဖြစ်၍၊ ရှိ​သ​မျှ​သော​သူ​တို့​သည် ကိုယ်​တော်​ကို ရှု​မြင်​ရ​ကြ​လိမ့်​မည် (ဗျာ ၁:၇)” ဒီကြိုတင်ဟောစကားကို မှားယွင်းစွာ အဓိပ္ပာယ်ဖွင့်ဆိုပြီးတော့ “ဒုတိယအကြိမ်ကြွလာတဲ့ခရစ်တော်က လူ့ဇာတိနဲ့မဟုတ်ဘဲ လူတိုင်းမြင်နိုင်တဲ့ သဘာဝလွန်ဖြစ်ရပ်တစ်ခုအဖြစ် ကြွလာမယ်”လို့ ပြောဆိုနေကြပေမယ့် ဟေရှာယအနာဂတ္တိကျမ်း ၄၀:၅ ထဲက “ထာ​ဝ​ရ​ဘု​ရား၏ ဘုန်း​တော်​ပေါ်​ထွန်း၍၊ လူ​အ​ပေါင်း​တို့​သည် အ​တူ​မြင်​ရ​ကြ​လ​တ္တံ့​”ဆိုတဲ့ ကြိုတင်ဟောစကားရဲ့အဓိပ္ပာယ်က မြေကြီးပေါ်က လူအားလုံးကို ဆိုလိုတာမဟုတ်သလိုမျိုး ဗျာဒိတ်ကျမ်း ၁:၇ က နှုတ်ကပတ်တော်ကလည်း မြေကြီးပေါ်က လူအားလုံးကို ဆိုလိုတာမဟုတ်ဘဲ ဘယ်သူမဆို မြင်နိုင်အောင် လူ့ဇာတိနဲ့ကြွလာမယ်ဆိုတဲ့ ကြိုတင်ဟောစကားဖြစ်ပါတယ်။

သူတို့ရဲ့ပြောဆိုမှုဟာ ကျမ်းစာကို အတင်းအကျပ် မှောက်လှန်တာဖြစ်ပြီး ကျမ်းစာကို နိုင်ထက်စီးနင်း အဓိပ္ပာယ်ပြန်ဆိုမယ်ဆိုရင် ပထမအကြိမ်မှာ ကယ်တင်ရှင်အဖြစ် ကြွလာတော်မူတဲ့ ခရစ်တော်ကို ငြင်းပယ်ခဲ့ကြတဲ့သူတွေလိုမျိုး နောက်ဆုံးမှာ ဖျက်ဆီးခြင်းခံရမှာဖြစ်ပါတယ်။