Jisu Borok Wngwi Phaiwi Man Ya Tamni Hwn Khe Joto Borok Bóno Nuknai Hwnwi Kók Phinmani Abo Chaya

Jotono Nugwi Manna Tẃi Khe Tei-Uáisa Phainai Khristo Bahan Bwthẃi-o khe Phai-o

Songchajak motharok a kók “Nai di, bo chumui bai khe phainai! Joto borok bono nuknai, . . .” (Phu 1:7)
hwnmano chaya khe swbai sukhrubwi sa lai-o
tei Tei-Uáisa Phainai Khristo bahan bwthẃi-o khe phai ya
tamo khe jotono nugwi manna tẃi khe kaisa kwmamsingcha
wngmung bai se nukjak phainai hwnwi kók phin lai-o.

Haiphano, Jisaia 40:5-ni kók diyari hai khe
a bebak bororok Kaitorni chẃngsachano,
Bó puila-o phai phuru o ha-o tongnai
joto bororok Bono nuknai
hwnmano tẃiwi sajak ya wngma haino,
Phunukjakmani 1:7-ni a kók abo
o hani joto borokno nuknai hwnmani ya.

Bórokni kók phinmung bórokno Baibelno cha ya khlaina
bagwi jur rwui tongo, tei sakni muchung tẃi khe Baibelno
swbai sukhrubwi samani, bórokno sokomorjakmungo simi se
twlangnai Khristo Mwthangnaisa wngwi puila-o phai
phuru Bóno yachak ya wngnairok hai kheno.