Bo Motha Pentikos Tẃi Lai?

World Mission Society Church of God, Khristoni
Kóktháini Mote Pentikosni Salno Tẃi-o

Tabukni sal rogo, kwbángma motharok bόrok
Pentikos tẃi-o tei Phola Kwthar yachago
hwnwi gosi lai-o. Haiphano, chwng, Kaitor,
raidani mote songchamani hai khe chwng Kaitor
chongmani salo Pentikos tẃi phuru khe,
Phola Kwtharni hamarirokno yachagwi manno.

Pentikosni Sal wng kha Hathibarni Sal ni simi sal bachini salo se
[Thangwi Bacha Mani Sal]. Jisuni kóktháini mote khe,
sagriok Thangwi Bacha Mani Salni simi sal chi jora romwi
Markni sakani khotolo suri lai kha tei Pentikos tẃi ma
bai Phola Kwtharno yachak kha. World Mission Society Church of God
wng kha Jisuni kóktháirokni mote Pentikosni Salo Baibelo kók
diyari sasokjak mani Phola Kwtharni hamarino yachago.

Pentikos sal sók phai kha, aphuru poito khlainairok bebak’-no
kwrẃngsa-o kuthum laijak. Aphuru nokbar kotor sipchaui
kutukma hai khe nokha phaisingni aro achomsa kutuksa kha,
hakhe abo bórok achugwi tongmani nok gwnangwi kutuk
phai kha. Aphuru bórok hórjlai hai yang yang piring-poroi
nuk kha; hakhe aro tongnai joto borokni thani hórjlai nangjak.
Bórok bebak’-no Phola Kwthar bai koboljak bai kha, hakhe
Phola sa rwma tẃi buini kók bai kók sa lai kha.
Samung 2:1-4