Kgoši Asa le Kgoši Josafate

Sephiri sa Kgoši Asa le Kgoši Josafate ba Juda Bao ba Amogetšego Tšhegofatšo ya Modimo

Kgoši Asa le Kgoši Josafate ba ile ba boloka ditaelo le molao wa Modimo ka potego, ba phušola modingwana o mongwe le o mongwe gomme ba buša batho ba bona le mebušo ya bona ka kgodišego e sa šišinyegego ya gore dilo ka moka di be di tla sepela gabotse ge feela ba be ba e-na le Modimo. Ka lebaka leo, Modimo o ile a fa setšhaba sa bona khutšo, gomme a ba fa ditšhegofatšo tše di tletšego le letago.

Ga se ra swanela go Ekiša Diphošo tša Kgoši Asa le Kgoši Josafate Mehleng ye

Ka histori yeo e begilwego ka Beibeleng, Modimo o bontšhitše batho tsela ya go amogela ditšhegofatšo tša gagwe. Ga se ra swanela go dira sebe sa go retologela ditšhabeng tše matla bakeng sa thušo mola re palelwa ke go tsoma Modimo, go etša ge Asa a dirile mengwageng ya gagwe ya ka morago. Le gona ga se ra swanela go ikopanya le bao ba dirago bobe goba go phegelela maiteko le ge e le afe gotee le bona, go etša ge Josafate a dirile. Ke ka gobane ge re lebala Modimo gomme re bea tshepo ya rena go batho le maemo ao a re dikologilego, o gogela morago ditšhegofatšo tša gagwe go rena.

Ba phuthegela Jerusalema ka kgwedi ya boraro ya ngwaga wa lesome le metšo e mehlano wa pušo ya Asa. Mohla woo ba tlišetša Morena dibego tša dithebola tše ba bego ba boile natšo; dipholo e be e le tše makgolo a šupago, dinku e be e le tše dikete tše di šupago. Ba dira kgwerano ya go re ba tlo nyaka Morena Modimo wa botatabo ka pelo ka moka le ka moya ka moka. Bajuda ka moka ba thabela keno yeo, gobane ba be ba enne ka pelo ka moka, ba mo nyaka ka go rata ga bona ka moka, ba ba ba mo hwetša; mme Morena a ba khutšiša ka thoko tše go fela. 2 Koronika 15:10–15