Tumelo ya go Fenya Diteko

Ebangedi E Tla Phološa Lefase Ke Kgwerano ye Mpsha yeo e Rerwago ke Maloko a Kereke ya Modimo

Noage o be a dumela tšhegofatšong ya Modimo gaešita le ge a ile a lebeletšana le bodutu ge a be a aga areka ka nako e telele. Moše o be a rata go tlaišega le batho ba Modimo go e na le go thabela letago la gagwe bjalo ka kgošana kua Egipita. Moapostola Paulo o ile a thabela sebaka sa go neela mmušo wa magodimo go batho, go sa šetšwe go lebeletšana le mathata a mantši. Ka mo go swanago, maloko a Kereke ya Modimo ka lethabo a sepela tseleng ya tumelo, a rwele difapano tša ona.

Bao Ba Bonago Feela Bohloko le Mathata Tsena Pele ga Bona le Bao ba Bonago Moputso ka Pele bakeng sa Mošomo wa bona o thata

Mma wa Legodimong ka mehla o re gopotša gore, “Na ga re na kholofelo ya mmušo wa magodimo?” Ka fao, e ka ba bakgethwa goba bašomi ba bodiši bao ba šomago mothalong wa pele, yo mongwe le yo mongwe o swanetše go lebelela ditšhegofatšo tša mmušo wa magodimo tšeo di lokišitšwego ka kua ga mapheko ao a phuthollago thwi pele ga mahlo a rena ge re rwala difapano tša rena.

A bona go nyatšwa wa Kriste e le lehumo le le phalago matsaka a Egipita; a dira ka mokgwa woo a lebeletše moputso wo a tlogo o bona. Baheberu 11:26

Gobane ge le ya ka wona mophelelo wa nama, sa lena e tlo ba go hwa; gomme ge maitirelo a nama le a bolaya ka Moya, gona le tlo phela. Gobane bana ba Modimo ke bao bohle ba ba išwago ke Moya wa Modimo. Bjale, ge re le bana, gona re baji ba bohwa, baji ba bohwa ba Modimo, ba go ja bohwa le Kriste; gobane re tlo ba re tlo kgona go fiwa letago le yena. Nna ge ke eleletša ke re: ditlaišego tša mehla yeno ga di a swanela le go ka bapetšwa le letago le le tlogo utollwa le le mo go rena. Baroma 8:13–18