စုံစမ်းခြင်းများကို ကျော်လွှားနိုင်သော ယုံကြည်ခြင်း

[လောကကိုကယ်တင်မည့် ဧဝံဂေလိသည် ဘုရားသခင်၏အသင်းတော် သန့်ရှင်းသူများ ဟောပြောသော ပဋိညာဉ်တရားသစ် ဖြစ်ပါသည်]

နောဧဟာ အချိန်အကြာကြီး တစ်ယောက်တည်း သင်္ဘောတည်ထောင်ရင်း အထီးကျန်ခြင်းထဲမှာလည်း ဘုရားသခင်ရဲ့ ကောင်းချီးကို ယုံကြည်ခဲ့ပြီး၊ မောရှေဟာ အဲဂုတ္တုပြည် တော်ဝင်မိသားစုအဖြစ် ဘုန်းအသရေထက် ဘုရားသခင်ရဲ့လူတွေနဲ့အတူ ဆင်းရဲဒုက္ခခံစားရဖို့ကို ပိုနှစ်သက်ခဲ့ပြီးတော့၊ တမန်တော်ပေါလုဟာ ဆင်းရဲဒုက္ခများစွာထဲမှာလည်း လူတွေဆီ ကောင်းကင်နိုင်ငံကို သယ်ဆောင်ပေးနိုင်တဲ့အတွက် ဝမ်းမြောက်ခဲ့သလိုမျိုး၊ ဘုရားသခင်၏အသင်းတော် သန့်ရှင်းသူတွေဟာလည်း ကိုယ့်လက်ဝါးကပ်တိုင်ကို ထမ်းရင်း ဝမ်းမြောက်မှုနဲ့ ယုံကြည်ခြင်းလမ်းကို လျှောက်လှမ်းနေပါတယ်။

[မျက်မှောက်ရှေ့ရှိ ဆင်းရဲဒုက္ခနှင့် အခက်အခဲများကိုသာ မြင်သောသူနှင့် ထိုအားထုတ်မှုနောက်တွင် ရရှိမည့် ဆုလာဘ်ကို မြင်သောသူ]

"ကျွန်မတို့မှာ ကောင်းကင်မျှော်လင့်ခြင်း ရှိတယ်မဟုတ်ပါလား"လို့ ကောင်းကင်အမေက အမြဲတမ်းမိန့်တော်မူခဲ့သလိုမျိုး သန့်ရှင်းသူတွေဖြစ်စေ၊ ရှေ့တန်းကနေ လုပ်ဆောင်နေတဲ့ သင်းအုပ်ဝန်ထမ်းတွေဖြစ်စေ၊ ဘယ်သူမဆို ကိုယ့်လက်ဝါးကပ်တိုင်ကို သည်းခံရင်း မျက်စိရှေ့မှာရှိတဲ့ အတားအဆီးတွေ မဟုတ်ဘဲ အဲ့နောက်ကွယ်မှာ ပြင်ဆင်ထားတဲ့ ကောင်းကင်ကောင်းချီးတွေကို မျှော်လင့်ရပါမယ်။

အဲ​ဂု​တ္တု​ပြည်၏ စည်း​စိမ်​ထက် ခ​ရစ်​တော်​ကြောင့် ကဲ့​ရဲ့​ခြင်း​ဒု​က္ခ​သည် သာ၍​မြတ်​သော စည်း​စိမ်​ဖြစ်​သည်​ကို စိတ်​ထင်​သ​ဖြင့်​လည်း​ကောင်း၊ ယုံ​ကြည်​ခြင်း​စိတ်​ရှိ၍ . . . အ​ကြောင်း​မူ​ကား၊ နောက်​ရ​လ​တ္တံ့​သော​အ​ကျိုး​ကို ထောက်​စာ​မျှော်​လ​င့်​လျက်​နေ၏။ ဟေဗြဲသြဝါဒစာ ၁၁:၂၆

သင်​တို့​သည် ဇာ​တိ​ပ​က​တိ​အ​တိုင်း​အ​သက်​ရှင်​လျှင် သေ​ရ​ကြ​မည်။ ဝိ​ညာဉ်​တော်​အား​ဖြင့် ကိုယ်​ကာ​ယ၏​အ​ကျင့်​တို့​ကို သေ​စေ​လျှင် အ​သက်​ရှင်​ကြ​လိမ့်​မည်။ ဘု​ရား​သ​ခင်၏​ဝိ​ညာဉ်​တော် ဆုံး​မ​ပဲ့​ပြင်​တော်​မူ​သ​မျှ​သောသူ​တို့​သည် ဘု​ရား​သ​ခင်၏​သား​ဖြစ်​ကြ၏။ . . . ခ​ရစ်​တော်​နှင့်​အ​တူ ဘုန်း​ဝင်​စား​မည်​အ​ကြောင်း၊ ထို​သ​ခင်​နှင့်​အ​တူ ဆင်း​ရဲ​ဒု​က္ခ​ကို​ခံ​ရ​လျှင်၊ ထို​သ​ခင်​နှင့်​ဆက်​ဆံ​သော အ​မွေ​ခံ​လည်း ဖြစ်​ကြ၏။ ငါ​တို့​အား ပေါ်​ထွန်း​လ​တ္တံ့​သော ဘုန်း​ကို​ထောက်​သော်၊ ယ​ခု​မျက်​မှောက်​ကာ​လ၌ ခံ​ရ​သော​ဆင်း​ရဲ​ဒု​က္ခ​ကို ပ​မာ​ဏ​မ​ပြု​ထိုက်​ဟု ငါ​သ​ဘော​ရှိ၏။ ရောမသြဝါဒစာ ၈:၁၃–၁၈