Pagtuo sa Pagbuntog sa mga Pagsulay

Ang ebanghelyo nga Makaluwas sa Kalibotan mao ang Bag-ong Kasabotan nga Gisangyaw sa mga miyembro sa Church of God

Si Noe mituo sa panalangin sa Dios bisag nag-atubang siyag kamingaw samtang nagtukod sa arka sa dugayng panahon. Gipalabi ni Moises nga mag-antos uban sa katawhan sa Dios imbes makatagamtam sa iyang himaya ingon prinsipe sa Ehipto. Si apostol Pablo nalipay sa kahigayonan sa pagtanyag sa Gingharian sa langit ngadto sa mga tawo, bisan pag nag-atubang og daghang kalisdanan. Sa samang paagi, ang mga miyembro sa Church of God malipayong naglakaw sa dalan sa pagtuo, nagpas-an sa ilang mga krus.

Kadtong Nakakita Lamang sa Kasakit ug Kalisdanan Diha sa Ila Atubangan ug Kadtong Nakakita sa Ganti sa Unahan alang sa Ilang Kakugi

Ang Langitnong Inahan kanunay nga nagpahinumdom kanato, “Wala ba kitay paglaum sa Gingharian sa langit?” Busa, bisan ang mga balaan o ang pastoral nga kawani nga nagtrabaho sa frontline, ang tanan kinahanglan nga motan-aw sa mga panalangin sa Gingharian sa langit nga giandam lapas pa sa mga babag nga mahitabo sa atubangan mismo sa atong mga mata samtang kita nagpas-an sa atong kaugalingong mga krus.

Naghunahuna siya nga ang pag-antos sa mga pagyubit tungod sa Mesiyas labi pang bililhon kay sa tanang bahandi sa Ehipto tungod kay gilantaw niya ang ganti nga madawat niya. Hebrews 11:26

Kay kon magkinabuhi kamo nga minandoan sa tawhanong kinaiya, mamatay gayod kamo. Apan mabuhi gayod kamo kon pinaagi sa Espiritu patyon ninyo ang tawhanong binuhatan. Ang tanang gimandoan sa Espiritu sa Dios, mga anak sa Dios. Ug kay mga anak man kita niya, madawat nato ang mga panalangin nga gitagana sa Dios ug madawat nato kini uban kang Cristo. Kay kon makig-ambit kita sa iyang mga pag-antos, makaambit usab kita sa iyang himaya. Giisip ko nga ang atong mga pag-antos niining panahona dili gayod ikatandi sa himaya nga ipadayag unya kanato. Romans 8:13–18