Kaitorni Kókthái-o Khá beranairok tei Khá Bera yarok

Kaitorni Kόkthái-o Khá Beraui, Chwng Kaitorni Kόk Khna Khe Kaitor Hamari Rw-o

Jora hamya-o Kaitorni kόkthái-o khá beranai Abraham, Noa tei Pitor, poitoni chuchusongno katswi Kaitor hamari rwmani haino, tini bo haini chwng manjakmani bataimung tonghalogo Bό chini poitono amjogwi nai kha.

Kaitorni Kόktháini Phanno Buchiui, Kaitorni Motha, Kothoma Kahamno Auai Kha

Phankrak Kaitor Bini kόk bai o hano snam kha tei kwthwino mwthangwi tisa kha. Chwng Kaitor Ahnsahnghong tei Ama Kaitorni kόkno khnaui chini khá bera khe, Phola Kwtharni Molo chwngno mwthangjakmungni lama-o chwngno tẃithernai Kaitorni uanamasingcha naharmungno buchiui manno.

Tamni hwn khe Subraiyung hai hwnwi sa-o, ani uansukmarok bai nini uansukmarok thansa ya; tei nini lamarok bai ani lamarokbo thansa ya. Tamni hwn ba ha bai nokha chukma swkno, norokni lama bai ani lama aswkno chugo tei norok uansukma bai ani uansukmarok bo aswkno kuchuk. . . . ani búkhúkni ongkhorma kóktháirokbo abo tẃi’-no wngnai; abo nang ya tei bukcha wngwi ani thani kiphilwi sók phai glak; tamo khe ang khlaina muchung tẃi’-no; abo khlaiwi páinai; tei ang khlaina bagwi rohormarokno khlaiwi hamcha rwnai.
Jisaia 55:8-11