ປັດສະຄາ ແລະ ຄວາມເຊື່ອຂອງຄິດສະຕະຈັກຕອນຕົ້ນ

[ຄວາມເຊື່ອຂອງຄິດສະຕະຈັກຕອນຕົ້ນ ເຊິ່ງເປັນຄວາມເຊື່ອທີ່ຍິ່ງໃຫຍ່ທີ່ສຸດໃນສາສະໜາຄິດນັ້ນ
ມີພື້ນຖານມາຈາກຫຍັງ?]

ພະເຈົ້າໄດ້ຊົງສ້າງປັດສະຄາ ໂດຍຊົງຫຼັ່ງໄຫຼເລືອດຂອງພະອົງທີ່ເທິງໄມ້ກາງແຂນ ເພື່ອຄວາມພົ້ນຂອງມະນຸດຊາດ. ບັນດາຜູ້ເຊື່ອຖືຂອງຄິດສະຕະຈັກຕອນຕົ້ນໄດ້ຜ່ານການຂົ່ມເຫັງທີ່ໜັກ ໂດຍກາຍເປັນອາຫານຂອງໂຕສິງ ແລະ ທຽນມະນຸດ ຍ້ອນພວກເຂົາໄດ້ປະຕິບັັດຕາມປັດສະຄາ ເຊິ່ງເປັນຄວາມຈິງແຫ່ງຊີວິດ.
ຫຼັງຈາກສະໄໝຂອງອັກຄະທູດ, ປັດສະຄາໄດ້ຖືກຍົກເລີກໃນປີ ຄ.ສ 325 ອີງຕາມການຢືນຢັນຂອງຄິດສະຕະຈັກຕາເວັນຕົກ ໂດຍຜ່ານຂໍ້ຖົກຖຽງຫຼາຍຄັ້ງກ່ຽວກັບປັດສະຄາ.

[ຄິດສະຕະຈັກຂອງພະເຈົ້າຮັບສືບທອດຄວາມເຊື່ອຂອງຄິດສະຕະຈັກຕອນຕົ້ນ ທີ່ມີຄວາມໝາຍຂອງ ເອເຟໂຊ (ເປັນທີ່ປາຖະໜາ)]

ປະຈຸບັນນີ້, ຄິດສະຕະຈັກຂອງພະເຈົ້າປະຕິບັດຕາມປັດສະຄາທີ່ສັກສິດ ດັ່ງທີ່ຄິດສະຕະຈັກຕອນຕົ້ນໄດ້ປະຕິບັດ
ບໍ່ຄືກັບຄິດສະຕະຈັກອື່ນໆໃນໂລກ. ນັ້ນກໍເພາະວ່າ ຄິດສະຕະຈັກຂອງພະເຈົ້າເຊື່ອຢ່າງໝັ້ນຄົງວ່າ ຄໍາສັ່ງສອນຕ່າງໆຂອງພະຄິດອັນຊັງໂຮງ ແລະ ພະເຈົ້າພະມານດາ ຜູ້ທີ່ຊົງສະເດັດມາເພື່ອຄວາມພົ້ນຂອງພວກເຮົາ ແມ່ນຄວາມຈິງແຫ່ງຊີວິດທີ່ຊ່ວຍມະນຸດຊາດໃຫ້ພົ້ນຈາກໄພພິບັດຕ່າງໆໄດ້.

ຢູເຊບິວສ໌ ປະຫວັດສາດຂອງຄິດສະຕະຈັກ, ບົດທີ 24, ໜ້າທີ 208-209

“ລາວກ່າວວ່າ ພວກເຮົາກໍາລັງປະຕິບັດຕາມເທດສະການຢ່າງຖືກຕ້ອງ. ພວກເຮົາບໍ່ໄດ້ຕື່ມ ຫຼື ຕັດຂໍ້ຄວາມໃດໆອອກຈາກທີ່ນັ້ນ... ຄົນເຫຼົ່ານັ້ນ ໄດ້ປະຕິບັດຕາມປັດສະຄາ ໃນວັນທີ 14 ເດືອນ 1 ໂດຍບໍ່ໄດ້ອອກໄປສູ່ທາງທີ່ຜິດ ແຕ່ປະຕິບັດຕາມກົດລະບຽບແຫ່ງຂ່າວປະເສີດ ແລະ ຂ້າພະເຈົ້າ ໂພລີຄຼາເທສ໌ ເຖິງແມ່ນວ່າ ເປັນຄົນທີ່ບໍສໍາຄັນໃນທ່າມກາງພວກທ່ານ ແຕ່ກໍາລັງປະຕິບັດຕາມປະເພນນີ ທີ່ມາຈາກຫົວໜ້າບາດຫຼວງໃນກ່ອນໜ້ານັ້ນເຊັ່ນກັນ.”