Александр хаан Грекийн Эзэнт гүрнийг байгуулсны дараа нэг ийм түүх болжээ.
Өтөлж хөгшрөхөөсөө өмнө хөрөг зургаа буулгахыг хүссэн Александр хаан
улсынхаа алдарт зураачдыг дуудаад хөргөө зуруулжээ.
Хааны хөргийг зурахаар ирсэн зураачид бүгд л гайхаж цочирдсон аж.
Учир нь хаан нүүрнийхээ баруун талд нүд хальтрам эвгүй, муухай сорвитой байж гэнэ.
Тэгтэл тухайн үедээ агуу Александр хааныг хүндэтгэдэг байсан нэгэн зураач гарч ирсэн байна.
Зураач Александр хааныг эрүүгээ гараараа тулж байхаар ширээнд суулгаж, гарынхаа аясаар өнөөх сорвийг нь амархан гэгч нь далдлааду зургаа дуусгаж гэнэ.
Өөрийнхөө хөрөг зургийг хараад Александр хаан ихэд баяр хөөртэйгөөр өнөөх зураачид том шагнал өгсөн байгаа юм.
Александр хааны нүүрэн дээрх сорви шиг хүн болгонд л ил гаргаж харуулахыг хүсдэггүй зүйл гэж байдаг.
Хүмүүсийн сул талыг нь онцолж, чичлэхийн оронд харин ч давуу талыг нь ил гаргаж, магтахад болохгүй нь юун?
- Тавигдсан огноо
- 2021. 08. 17
- Хуваалцах
- 181
