ပွဲတော်များနှင့် ဘုရားသခင်၏ ပညတ်တော်

ဘုရားသခင်က ပွဲတော်တွေကို သတ်မှတ်တော်မူတဲ့ အကြောင်းရင်းကတော့၊
လူသားတွေရဲ့ ပျော်ရွှင်ခြင်းအတွက်ပဲဖြစ်ပါတယ်။
စစ်မှန်တဲ့ပျော်ရွှင်ခြင်းကို ရှာဖွေဖို့အတွက်၊ လူသားတွေဟာ ဘုရားသခင်တည်ရှိတော်မူတဲ့ ဇိအုန်မှာ
ဘုရားသခင်ရဲ့ပညတ်တော်နဲ့ ပွဲတော်တွေကို စောင့်ရှောက်ကြရမှာဖြစ်ပါတယ်။

"သင်၏အကျိုးကိုထောက်၍ ယနေ့ငါဆင့်ဆိုသော ထာဝရဘုရား၏ပညတ်တော်ကို စောင့်ရှောက်ခြင်းအမှုမှတပါး၊ သင်၏ဘုရားသခင် ထာဝရဘုရားသည် အဘယ်အမှုကို တောင်းတော်မူသနည်း။" တရားဟောရာကျမ်း ၁၀:၁၂-၁၃

ဘုရားသခင်၏ ပွဲတော်များ

ဘုရားသခင်ရဲ့ပွဲတော်တွေထဲမှာ၊ အပတ်စဉ်စောင့်တဲ့ပွဲတော်ဖြစ်တဲ့ ဥပုသ်နေ့နဲ့၊
နှစ်စဉ်စောင့်တဲ့ပွဲတော်ဖြစ်တဲ့ ပသခါပွဲ၊ အဇုမပွဲ၊
အဦးသီးသောအသီးပွဲ(ထမြောက်ပွဲ)၊ ခုနစ်သတင်းပွဲ(ပင်တေကုတ္တေပွဲ)၊ တံပိုးမှုတ်ပွဲ၊
အပြစ်ဖြေရာနေ့နဲ့ သကေနေပွဲတွေ ပါဝင်ပါတယ်(ဝတ်ပြုရာကျမ်း ၂၃:၁-၃၄)။

ဘုရားသခင်ရဲ့လူမျိုးတွေဟာ ဘုရားသခင်ရဲ့ပညတ်တွေကို လိုက်လျှောက်ကြပါတယ်။
ဒီနေ့ခေတ်လူများစွာ စောင့်နေကြတဲ့ တနင်္ဂနွေနေ့ဝတ်ပြုခြင်း၊ ခရစ္စမတ်နဲ့
လက်ဝါးကပ်တိုင်ကိုးကွယ်ခြင်းတွေအားလုံးဟာ
သမ္မာကျမ်းစာကိုအခြေမပြုထားတဲ့ လူတွေရဲ့ပညတ်ပဲဖြစ်ပါတယ်။

ဒီနေ့ခေတ် ကမ္ဘာမှာ၊ ဘုရားသခင်၏အသင်းတော် ကမ္ဘာ့ဧဝံဂေလိသာသနာပြုအဖွဲ့အစည်းကလွဲရင်၊
ဥပုသ်နေ့နဲ့ သုံးပိုင်းခွဲတဲ့ပွဲတော်ခုနစ်ခုကို အပြည့်အဝစောင့်ရှောက်တဲ့အသင်းတော် မရှိပါဘူး။