Chuknohani Swngcharni Naharmung bai khe Naharjakmani o Hani Mulaja bai o Hani Bororok Uansukmani o Hani Mulajani Kwcharni Pherlaimani
“Hasing kupulung hasinglwngni rangchakni twikhor abo kwchangma twimuk kẃchwngni slái phano mulaja kwrwi tei kwmajak merani thani mera mwrwknaisa se gwnangkuk habugrani slái phano torkugo,” hwnwi sajakmani hai khe, o hani mulaja bai chuknohani mulajani kwcharo kotorma pherlaimung tongo. O swngcharni kwbángma bororok mulaja rwmani sompoti, bórom, tei phan abórok chuknoha-o mungsa chúk ya se. Aboni bagwino swkangni Mothani Kaitorni bororok sátokjak phuru suda bórok chuknohani bagwi se tongwi tongo.
Chuknohani Jotoni Slái Mulaja Gwnang, Chuknohani Apha Ahnsahnghongni tei Ama Kaitorni A Kóktháirok Tamo?
Kaitorni bugraha-o, jotoni slái mulaja gwnang samung wng kha Kaitorni kóktháino samungo phnangmani. Kaitorni Mothani adongrok bórok chuknoha-o bugra wngwi tong phlainai hwnmani tei mol brúm brúm athukirirok hai khe chẃngsaui tong phlainai hwnmani Kaitorni a kóktháino puitu khlaiwi, bórok khoroksa pholano suda swmai kwtalni kubui bai khe naituk lai-o.
O bororok poito khlaiwi’-no thwi bai kha. Kaitor rwna hwnwi kók rwmani abono bórok man li ya, tamo khe hakchalo tong twtwi abono nuhurwi yachak sók kha, phiya bórok o swngcharo phatarsa tei riphuji hwnwi gosi kha. Hibru 11:13
Elem gwnangrok khe nokha chẃngmani hai khe chẃngsanai, lama kaham phrwngnairok khe mol brúm athukirirok hai khe chẃngsanai.” Daniel 12:3
- আগের তারিখ
- Jun 19, 2026
- সহানুভূতি
- 0
