Ka Jingkhawai Miet Bakhuid jong ka Niam ka Jinglait Kaba U Blei U la Hukum ia Ngi ban Rakhe

Ka Balang U Blei ka rakhe ia ka Niam ka Jinglait katkum ka hukum U Blei.

U Jisu u la kular ban ai ia ka jingim bymjukut sha kita
kiba iashim bynta ha u kpu bad ka wain jong ka Niam ka jinglait.
Lada ngi ngeit ha U Jisu, ngi dei ban bud ia ki jinghikai jong U.
Katkum ka hukum jong U, U Petros bad U Ioannis ki la rakhe ia ka Niam ka jinglait,
U Apostol Paul, u briew bakongsan jong ka Balang bamynshuwa, u la rakhe ia ka,
bad mynta ngi, ki dkhot jong ka Balang U Blei, ngi rakhe khuid ia ka.

U Khrist Ahnsahnghong u la wanrah pat ia ka Niam ka Jinglait ka Jutang Bathymmai.

Ban ai ka jingim bymjukut sha ki briew kiba dei ban iap shisien ba ki la kha,
bad ban pynlong ia ki ki khun jong U, U Blei u la ai ha ngi ia ka doh bad ka snam jong U.
U Khrist Ahnsahnghong u la wanrah pat ia ka Niam ka jinglait, kaba la shah pynduh noh
ha u 325 H.K. U long U Blei bad U Nongpynim jong ngi ha ka Juk U Mynsiem Bakhuid.

U la ong te ha ki, “Nga la kwah shikaddei eh ban bam
ia kane ka niam ka jinglait lem bad phi, katba ngam pat shah.” Loukas 22:15