ຜູ້ຊອບທໍາ ທີ່ດໍາເນີນຕາມທາງຂອງພະເຈົ້າ

[ມາດຕະຖານເພື່ອຈໍາແນກຄົນຊອບທໍາ ແລະ ຄົນຊົ່ວຮ້າຍ: “ທ່ານມີວິທີທາງຂອງພະເຈົ້າໃນຫົວໃຈຫຼືບໍ່?]

ພະຄໍາພີໄດ້ໃຫ້ພວກເຮົາຮູ້ຈັກວ່າ ຜູ້ທີ່ຝ່າຝືນພະບັນຍັດ ແມ່ນຄົນຊົ່ວຮ້າຍ ແລະ ພິຍານວ່າ ພວກເຂົາສາມາດບັງເກີດໃໝ່ອີກຄັ້ງເປັນຜູ້ຊອບທໍາໄດ້ ໂດຍຜ່ານການຕິດຕາມພະບັນຍັດຂອງພະເຈົ້າ
ຄື ວິທີທາງແຫ່ງຄໍາໝັ້ນສັນຍາໃໝ່.
ໃນຊ່ວງຊີວິດທີ່ແສນສັ້ນຂອງພວກເຮົາ, ພວກເຮົາບໍ່ຄວນດໍາເນີນຕາມທາງຂອງຄົນຊົ່ວຮ້າຍ ເຖິງແມ່ນວ່າ ພວກເຂົາຈະມີຢູ່ທົ່ວໄປອ້ອມຮອບຕົວພວກເຮົາກໍຕາມ. ພຽງແຕ່ເມື່ອພວກເຮົາຈາລຶກວິທີທາງຂອງພະເຈົ້າໄວ້ໃນຫົວໃຈຂອງເຮົາ ແລະ ປະຕິບັດຕາມເທົ່ານັ້ນ ຈຶ່ງສາມາດເຂົ້າສູ່ອານາຈັກສະຫວັນທີ່ນິລັນໄດ້.

[ບັນດາຜູ້ເຊື່ອຖືຂອງຄິດສະຕະຈັກຂອງພະເຈົ້າ ໄດ້ຮັບການສຶກສາຈາກພະເຈົ້າ ໂດຍຜ່ານຄໍາໝັ້ນສັນຍາໃໝ່]

ໃນມື້ພິພາກສາ, ພະເຈົ້າຈະຊົງແຍກຜູ້ຊອບທໍາ ອອກຈາກຄົນຊົ່ວຮ້າຍ ແລະ ຊົງແຍກແກະອອກຈາກແບ້.
ຖ້າພວກເຮົາຕ້ອງການຫຼົບໜີຈາກການພິພາກສາ ແລະ ຢືນຢູ່ກັບຄົນຊອບທໍາໃນມື້ນັ້ນ, ພວກເຮົາຕ້ອງປະຖິ້ມ
ຄວາມອະທໍາ ແລະ ປະຕິບັດຕາມພະບັນຍັດແຫ່ງຄໍາໝັ້ນສັນຍາໃໝ່ ທີ່ພະບິດາອັນຊັງໂຮງ ແລະ ພະເຈົ້າ
ພະມານດາໄດ້ຊົງຟື້ນຟູໃຫ້ແກ່ພວກເຮົາ.

“ບໍ່ແມ່ນວ່າ ທຸກຄົນທີ່ເອີ້ນເຮົາວ່າ ‘ນາຍເຈົ້າຂ້າ ນາຍເຈົ້າຂ້າ’ ຈະເຂົ້າໄປໃນອານາຈັກຂອງພະເຈົ້າ
ເຂົ້າໄດ້ແຕ່ຜູ້ທີ່ປະຕິບັດຕາມພະບິດາຂອງເຮົາ ຜູ້ສະຖິດຢູ່ໃນສະຫວັນຕ້ອງການໃຫ້ເຂົາປະຕິບັດຕາມເທົ່ານັ້ນ...
ແລ້ວເຮົາກໍຈະປະກາດຕໍ່ພວກເຂົາວ່າ ‘ເຮົາບໍ່ເຄີຍຮູ້ຈັກພວກເຈົ້າ. ຖອຍໜີໄປຈາກເຮົາ ພວກເຈົ້າຄົນທີ່ເຮັດການຊົ່ວຮ້າຍ!’
[ມັດທາຍ 7:21-23]