ເມື່ອພວກເຮົາມີຄວາມເຊື່ອ, ໂລກແຫ່ງຄວາມເຊື່ອ ທີ່ບໍ່ສາມາດເຫັນໄດ້ດ້ວຍຕາເປົ່າ ຈຶ່ງປະກົດໃຫ້ເຫັນ.
ພະເຈົ້າຊົງປົກຄອງໂລກແຫ່ງຄວາມເຊື່ອ ບ່ອນທີ່ບໍ່ມີສິ່ງໃດທີ່ບໍ່ສໍາເລັດ ແລະ ທຸກໆສິ່ງໄດ້ສໍາເລັດ
ຕາມທີ່ພະອົງໄດ້ຊົງວາງແຜນໄວ້.
ພະເຈົ້າໄດ້ຊົງແຍກທະເລແດງດ້ວຍໄມ້ເທົ້າ, ເອົາຊະນະທະຫານ 135,000 ຄົນ ດ້ວຍທະຫານ 300 ຄົນຂອງກີເດໂອນ ແລະ ໄດ້ຊົງຈັດຫາອາຫານໃຫ້ຊາວອິດສະລາເອນເປັນເວລາ 40 ປີ ໃນຂະນະທີ່ພວກເຂົາຢູ່ໃນຖິ່ນແຫ້ງແລ້ງກັນດານ. ທັງໝົດນີ້ເປັນການອັດສະຈັນ
ທີ່ພະເຈົ້າຊົງເຮັດໃຫ້ສຳເລັດໃນໂລກແຫ່ງຄວາມເຊື່ອ ເຊິ່ງບໍ່ສາມາດເຮັດໄດ້ໃນໂລກສາມມິຕິ.
ຄິດສະຕະຈັກຂອງພະເຈົ້າ ສາມາດປະກາດຂ່າວປະເສີດ ໃນຊາມາເລຍ ແລະ ເຖິງທີ່ສຸດປາຍແຜ່ນດິນໂລກໄດ້ແທ້ໆບໍ?
ໂລກຝ່າຍກາຍ ແລະ ໂລກແຫ່ງຄວາມເຊື່ອ ແມ່ນແຕກຕ່າງກັນ ຄືດັ່ງແຮງດຶງດູດເທິງໂລກນີ້
ແລະ ເທິງດວງຈັນ. ເມື່ອພວກເຮົາເຂົ້າໃຈສິ່ງນີ້ ແລະ ມີຄວາມເຊື່ອທີ່ໝັ້ນຄົງໃນພະເຈົ້າ ຜູ້ທີ່ຊົງສາມາດເຮັດທຸກສິ່ງໄດ້, ວຽກງານແຫ່ງຄວາມພົ້ນທັງທົ່ວໂລກ ເຊິ່ງນຳພາໂດຍພະຄິດອັນຊັງໂຮງ ແລະ ພະເຈົ້າພະມານດາ ຈະສຳເລັດຜົນ.
ພະເຢຊູເພັ່ງຕາເບິ່ງພວກເຂົາ ແລະ ຕອບວ່າ “ສໍາລັບມະນຸດແລ້ວເປັນໄປບໍ່ໄດ້ ແຕ່ສໍາລັບພະເຈົ້າແລ້ວ ທຸກສິ່ງເປັນໄປໄດ້.”
ມັດທາຍ 19:26
“ຂ້າພະອົງຮູ້ວ່າພະອົງຊົງລິດຍິ່ງໃຫຍ່ພະຜູ້ເປັນເຈົ້າຂ້າ ແລະ ພະອົງເຮັດທຸກໆສິ່ງຕາມໃຈມັກດ້ວຍ. ພະອົງກ່າວວ່າ ເປັນຫຍັງກ້າຖາມເຖິງພະປັນຍາ?’... ”
ໂຢບ 42:2–3
- ວັນທີໂພດສ໌
- 2022. 08. 12
- ຄວາມຮູ້ສຶກ
- 209
