ມື້ພິພາກສາ 1

[ໄພພິບັດຢ່າງຕໍ່ເນື່ອງທີ່ບໍ່ເຄີຍໄດ້ຍິນ ແລະ ບໍ່ເຄີຍມີມາກ່ອນ, ໃນໂລກນີ້ບໍ່ມີສິ່ງໃດເກີດຂຶ້ນໂດຍບໍ່ມີເຫດຜົນ]

ພະເຈົ້າຊົງຮູ້ຈັກຈຸດຈົບຕັ້ງແຕ່ເລີ່ມຕົ້ນ ແລະ ຄວບຄຸມທຸກສິ່ງ. ໂດຍຜ່ານໄວຣັດສ໌ທີ່ບໍ່ເຄີຍເກີດຂຶ້ນມາກ່ອນ ທີ່ໂຈມຕີຄົນທັງໂລກ ແລະ ສະພາບອາກາດທີ່ຜິດປົກກະຕິນັ້ນ ພະເຈົ້າຊົງປຸກບັນດາລູກ ໃຫ້ຕື່ນວ່າມື້ພິພາກສາຕາມຄໍາທໍານາຍໃນພະຄໍາພີ ໃກ້ມາເຖິງແລ້ວ. ພະອົງຊົງສອນວ່າ ດຽວນີ້ເປັນເວລາທີ່ຕ້ອງຕື່ນຈາກການຫຼັບໄຫຼ ແລະ ກະກຽມນໍ້າມັນແຫ່ງຄວາມເຊື່ອ.

[ຜູ້ເຊື່ອຖືຂອງຄິດສະຕະຈັກຂອງພະເຈົ້າ ເບິ່ງໂລກນີ້ດ້ວຍສາຍຕາແຫ່ງຄໍາທໍານວາຍ]

ເພື່ອເຂົ້າໃຈເຖິງເຫດຜົນຂອງໄພພິບັດທີ່ຍັງແຜ່ຫຼາຍຢູ່ໃນທຸກມື້ນີ້ ແລະ ເພື່ອຫຼີກເວັ້ນຈາກມື້ພິພາກສາທີ່ຈະຕາມມາ, ຈໍາເປັນຕ້ອງເຂົ້າໃຈເຖິງຄໍາທໍານວາຍໃນພະຄໍາພີທີ່ພະຄິດອັນຊັງໂຮງ ແລະ ພະມານດາໄດ້ຊົງເປີດເຜີຍ ແລະ
ໃຫ້ດໍາເນີນຊີວິດແຫ່ງການກັບໃຈປ່ຽນໃໝ່ ແລະ ຍ່າງມຸ່ງໜ້າສູ່ອານາຈັກສະຫວັນ ໂດຍເຊື່ອຟັງພະຄໍາຂອງພະເຈົ້າ.

“ຢ່າສະທ້ານຢ້ານກົວ ເມື່ອພວກທ່ານໄດ້ຍິນສຽງຮົບເຮວກັນ ແລະ ມີການປະຕິວັດລັດຖະປະຫານ;
ເຫດການເຊັ່ນນີ້ຕ້ອງເກີດຂຶ້ນກ່ອນ ແຕ່ບໍ່ໄດ້ໝາຍຄວາມວ່າ ເວລາສິ້ນສຸດມາໃກ້ແລ້ວ.” (ແຕ່ວັນສິ້ນຍຸກຈະຍັງບໍ່ທັນມາເຖິງໂດຍທັນທີ, THSV11) ພະອົງກ່າວຕໍ່ໄປວ່າ “ປະເທດທັງຫຼາຍຈະຮົບຮາຂ້າຟັນກັັນ; ອານາຈັກຕ່າງໆຈະໂຈມຕີກັນ. ແຜ່ນດິນໄຫວອັນໃຫຍ່ ແລະ ການອຶດຢາກ ພ້ອມທັງໂລກລະບາດ ຈະເກີດຂຶ້ນໃນທຸກແຫ່ງຫົນ; ຈະເກີດມີສິ່ງແປກປະຫຼາດ ກັບສິ່ງໜ້າຢ້ານທີ່ສຸດຈາກທ້ອງຟ້າ.”
[ລູກາ 21:9-11]

ຕັ້ງແຕ່ຕົ້ນເຮົາກ່າວໄວ້ກ່ອນເຖິງສິ່ງທີ່ມີມາ ແຕ່ດົນນານເຮົາໄດ້ບອກເຖິງສິ່ງທີ່ຈະເກີດຂຶ້ນ.
ເຮົາບອກວ່າແຜນການຂອງເຮົາບໍ່ເຄີຍລົ້ມເຫຼວ ເຮົາເຮັດທຸກໆສິ່ງຕາມທີ່ເຮົາຢາກເຮັດ.
[ເອຊາຢາ 46:10]