ໄພພິບັດທີ່ບໍ່ເຄີຍໄດ້ຍິນ ແລະ ປັດສະຄາ

ບັນດາຜູ້ປະກາດພະຄໍາທີ່ໄດ້ທໍານວາຍກ່ຽວກັບໄພພິບັດທີ່ບໍ່ເຄີຍໄດ້ຍິນ
ແລະ ທາງແຫ່ງຄວາມພົ້ນ

ພະເຈົ້າໄດ້ຊົງທໍານວາຍກ່ຽວກັບໄພພິບັດທີ່ບໍ່ເຄີຍໄດ້ຍິນ
ເຊິ່ງກໍາລັງຈະເກີດຂຶ້ນໃນສະໄໝນີ້,
ໂດຍຜ່ານບັນດາຜູ້ປະກາດພະຄໍາຂອງພະອົງເຊັ່ນ
ເສຟານີຢາ, ມາລະກີ, ເປໂຕ ແລະ ໂຢຮັນ.
ພະອົງຍັງຊົງໄດ້ສະແດງໃຫ້ພວກເຮົາເຫັນວ່າ
ພຽງແຕ່ຜູ້ທີ່ໄດ້ຮັບຕາປະທັບຂອງພະເຈົ້າ
ທີ່ມີພະນາມໃໝ່ຂອງພະເຢຊູ ຄື ພະອັນຊັງໂຮງ
ພະຜູ້ຊ່ວຍໃຫ້ພົ້ນໃນສະໄໝພະວິນຍານບໍລິສຸດເທົ່ານັ້ນ
ຈະສາມາດຮັບຄວາມພົ້ນຈາກໄພພິບັດສຸດທ້າຍໄດ້.

ຕາປະທັບຂອງພະເຈົ້າ ແມ່ນປັດສະຄາແຫ່ງຄໍາໝັ້ນສັນຍາໃໝ່

ໃນສະໄໝພັນທະສັນຍາເດີມ,
ພຽງແຕ່ຜູ້ທີ່ທາເລືອດຂອງລູກແກະແຫ່ງປັດສະຄາ
ໃສ່ເຮືອນຂອງພວກເຂົາ ຖືກຊ່ວຍໃຫ້ພົ້ນຈາກໄພພິບັດ.
ໃນສະໄໝນີ້, ພຽງແຕ່ຜູ້ທີ່ມີສ່ວນຮ່ວມໃນ
ເຂົ້າຈີ່ ແລະ ເຫຼົ້າອະງຸ່ນແຫ່ງປັດສະຄາ
ອັນເປັນຕົວແທນພະກາຍ ແລະ ພະໂລຫິດຂອງພະເຢຊູ
ຄື ຄວາມຈິງຂອງລູກແກະແຫ່ງປັດສະຄາ
ຈະສາມາດຮັບຕາປະທັບຂອງພະເຈົ້າ
ແລະ ຖືກຊ່ວຍໃຫ້ພົ້ນຈາກໄພພິບັດສຸດທ້າຍໄດ້.

ຄິດສະຕະຈັກຂອງພະເຈົ້າ ປະກາດຕາປະທັບຂອງພະເຈົ້າແກ່ທັງທົ່ວໂລກ

ສະມາຊິກ ຄິດສະຕະຈັກຂອງພະເຈົ້າ
ປະຕິບັດຕາມປັດສະຄາແຫ່ງຄໍາໝັ້ນສັນຍາໃໝ່
ເຊິ່ງພະຄິດອັນຊັງໂຮງ ແລະ ພະເຈົ້າພະມານດາໄດ້ຊົງສັ່ງສອນພວກເຂົາ,
ແລະ ດໍາເນີນພາລະກິດການປະກາດພະຄໍາແຫ່ງຄວາມພົ້ນ
ດ້ວຍຄວາມເຊື່ອວ່າ “ຈົ່ງຮັບຕາປະທັບຂອງພະເຈົ້າ
ເພື່ອຈະພົ້ນຈາກໄພພິບັດສຸດທ້າຍ
ທີ່ພະເຈົ້າໄດ້ຊົງຈັດຕຽມໄວ້ເພື່ອລົງໂທດຄົນຊົ່ວຮ້າຍ!”

“...ເຮົາຈະທໍາລາຍເຈົ້າ ໃນສິ່ງອັນໜ້າກຽດຊັງທີ່ເຈົ້າໄດ້ເຮັດນັ້ນ
ເພື່ອເຈົ້າຈະໄດ້ຮູ້ວ່າ ເຮົາແມ່ນພະຜູ້ເປັນເຈົ້າ
ແລະ ແມ່ນເຮົາທີ່ລົງໂທດເຈົ້າ.” ເອເສກຽນ 7:9