စိတ်နှလုံးကြေကွဲဖွယ်ဘေးဒဏ်နှင့် ပသခါပွဲ

စိတ်နှလုံးကြေကွဲဖွယ်ဘေးဒဏ်ကို ကြိုတင်ဟောပြောသော ပရောဖက်များနှင့်ကယ်တင်ခြင်းနည်းလမ်း

ဘုရားသခင်ဟာ သူ့ရဲ့ပရောဖက်တွေဖြစ်တဲ့ ဇေဖနိ၊ မာလခိ၊ ပေတရုနဲ့ ယောဟန်တို့ကနေတစ်ဆင့်
ဒီနေ့ခေတ်မှာ ရောက်လာမယ့် စိတ်နှလုံးကြေကွဲဖွယ်ဘေးဒဏ်အကြောင်းကို
ကြိုတင်ဟောပြောထားခဲ့ပြီးပါပြီ။
ပြီးတော့ သူဟာ သန့်ရှင်းသောဝိညာဉ်တော်ခေတ်ရဲ့ ကယ်တင်ရှင်ဖြစ်တဲ့ ယေရှုခရစ်ရဲ့နာမသစ်၊
ခရစ်တော်အန်ဆန်ဟုန်းဆိုတဲ့နာမနဲ့ ဘုရားသခင်ရဲ့တံဆိပ်ကို လက်ခံတဲ့သူတွေပဲ
နောက်ဆုံးသောဘေးဒဏ်ကနေ လွတ်မြောက်နိုင်မယ်လို့ ကျွန်တော်တို့ကို ပြသထားပါတယ်။

ဘုရားသခင်၏တံဆိပ်သည် ပဋိညာဉ်တရားသစ် ပသခါပွဲဖြစ်သည်။

ဓမ္မဟောင်းခေတ်မှာ ပသခါသိုးသငယ်ရဲ့အသွေးကို သူတို့ရဲ့အိမ်မှာ သုတ်လိမ်းထားတဲ့သူတွေပဲ
ဘေးဒဏ်ကနေ ကယ်တင်ခြင်းခံခဲ့ရပါတယ်။
ဒီနေ့ခေတ်မှာ ပသခါသိုးသငယ်အစစ်ဖြစ်တဲ့ ယေရှုခရစ်ရဲ့အသားနဲ့အသွေးကို
ကိုယ်စားပြုတဲ့ ပသခါမုန့်နဲ့ စပျစ်ရည်ကို စားသောက်တဲ့သူတွေပဲ
ဘုရားသခင်ရဲ့တံဆိပ်ကို လက်ခံရရှိနိုင်ပြီး နောက်ဆုံးဘေးဒဏ်ကနေ လွတ်မြောက်နိုင်ပါတယ်။

တစ်ကမ္ဘာလုံးထံ ဘုရားသခင်၏တံဆိပ်အကြောင်းကို ဟောပြောသော ဘုရားသခင်၏အသင်းတော်

ဘုရားသခင်၏အသင်းတော်မိသားစုဝင်တွေဟာ ခရစ်တော်အန်ဆန်ဟုန်းနဲ့ အမေဘုရားသခင်
သင်ကြားပေးတဲ့ ပဋိညာဉ်တရားသစ်ပသခါပွဲကို စောင့်ပြီး၊ “ဘုရားသခင်က မတရားတဲ့သူတွေကို
တရားစီရင်ဖို့အတွက် ပြင်ဆင်ထားတဲ့ နောက်ဆုံးဘေးဒဏ်ကနေ ကယ်တင်ခြင်းခံရဖို့အတွက်
ဘုရားသခင်ရဲ့တံဆိပ်ကို လက်ခံကြပါ”ဆိုတဲ့ ကယ်တင်ခြင်းသတင်းကိုဟောပြောတဲ့ တာဝန်ကို
သစ္စာရှိရှိ လုပ်ဆောင်နေကြပါတယ်။

“သင့်အကျင့်တို့၏ အကျိုးအပြစ်ကို ဆပ်ပေးမည်။
သင်ပြုမိသော ရွံရှာဘွယ်အမှုတို့သည် သင်၏အလယ်၌ တည်ကြလိမ့်မည်။
ငါထာဝရဘုရားသည် ဒဏ်ပေးကြောင်းကို သိရကြလိမ့်မည်။” ယေဇကျေလအနာဂတ္တိကျမ်း ၇:၉