Ka Jingsniew Suda & ka Niam ka Jinglait

Ki Nongiathuhlypa Kiba Iathuhlypa ia ka Jingsniew Suda,
bad ka Lynti sha ka Jingpynim

U Blei u la dep iathuhlypa ia ka jingsniew suda kaba wan ha kane ka juk, lyngba ki nongiathuhlypa jong U kum U Sephanaiah, U Malakhi, U Petros, bad U Ioannis. U la pyni ruh ia ngi ba tang kita kiba ioh ia ka shap U Blei kaba don ia ka kyrteng bathymmai U Jisu U Ahnsahnghong, U Nongpynim ha ka Juk jong U Mynsiem Bakhuid, ki lah ban laitim na ka jingiapthem kaba khadduh.

Ka Shap jong U Blei ka dei ka Niam ka Jinglait jong ka Jutang Bathymmai

Ha ki por jong ka Testament Barim, tang kita kiba kyllan ia ka snam jong u khun langbrot ka Jinglait ha ki ïing jong ki ki la lah ban laitim na ka jingiapthem. Ha kane ka juk, tang kita kiba iashim bynta ia u kpu bad ka wain jong ka Niam ka jinglait, kaba kdew ia ka doh bad ka snam jong U Jisu—ka jingshisha jong u khun langbrot ka Jinglait, ki lah ban ioh ia ka shap U Blei bad laitim na ka jingiapthem kaba khadduh.

Ka Balang U Blei ka Ialap ia ka Shap jong U Blei sha ka Pyrthei Baroh Kawei

Ki dkhot jong ka Balang U Blei ki sumar ia ka Niam ka Jinglait jong ka Jutang Bathymmai, kaba U Khrist Ahnsahnghong bad Ka Blei Ka Kmie ki la hikai ia ki, bad ki leh minot ia ka mishon ban ialap ia ka khubor jong ka jingpynim: “To pdiang ia ka shap U Blei ban laitim na ka jingiapthem kaba khadduh kaba U Blei u la pynkhreh ban bishar ia ki bymman!”

“. . . ngan wallam halor jong pha kat kum ki lynti jong pha, bad ki jingijli jong pha kin long hapdeng jong pha: te phin sa tip ba nga U Trai nga shoh.” U Esekiel 7:9