ຜູ້ທີ່ເຊື່ອຟັງພະເຈົ້າ

ສະຖານະການສ່ວນຕົວ ແລະ ສະພາບແວດລ້ອມໃນຊີວິດແຫ່ງຄວາມເຊື່ອ
ປ່ຽນແປງຕະຫຼອດເວລາ. ດັ່ງນັ້ນ, ບັນດາຜູ້ທີ່ເຊື່ອໃນພະເຈົ້າ
ຄວນພະຍາຍາມດໍາເນີນໄປໃນຫົນທາງແຫ່ງຄວາມເຊື່ອ ທີ່ໝັ້ນຄົງຢູ່ສະເໝີ
ໂດຍປາສະຈາກການຫວັ່ນໄຫວ ໃນທຸກສະພາບການ.
(ເລື່ອງລາວ ກ່ຽວກັບຊາຍທີ່ຢູ່ເທິງກົງເບັງ
ທີ່ໄດ້ລອຍອອກໄປໃນທະເລທີ່ຫ່າງໄກ ໂດຍບໍ່ຮູ້ສຶກຕົວ)

ຜູ້ໃດກໍ່ຕາມທີ່ສັ່ງສອນຜິດໄປຈາກນີ້ ແລະ ທັງບໍ່ເຫັນພ້ອມກັບຫຼັກຄໍາສອນອັນແທ້ຈິງ ຂອງພະເຢຊູຄິດເຈົ້າຂອງພວກເຮົາ ແລະ ກັບຄໍາສັ່ງສອນອັນຖືກຕ້ອງເປັນທໍາ ກັບຄວາມເຊື່ອຂອງພວກເຮົາ ກໍ່ເປັນຄົນຈອງຫອງພອງຕົວຂຶ້ນ ແລະ ບໍ່ຮູ້ຈັກສິ່ງໃດເລີຍ. ລາວເມົາມົວຢູ່ກັບການຖົກຖຽງ ແລະ ການຖະເລາະວິວາດ ເຖິງເລື່ອງຖ້ອຍຄໍາ ເຊິ່ງນໍາໄປສູ່ການເຫິງສາກັນ, ການຜິດຖຽງກັນ, ການໝິ່ນປະໝາດກັນ, ຄວາມລະແວງສົງໄສກັນ ແລະ ການໂຕ້ຖຽງກັນຢ່າງບໍ່ມີທີ່ສິ້ນສຸດ ລະຫວ່າງຄົນໃຈດ້ານຊາ ແລະ ຄົນໃຈຄົດຂາດຄວາມຈິງ... [1 ຕີໂມທີ 6:3-5]

ເມື່ອພວກເຮົາເອົາປະສົບການຂອງຕົນເອງ ນໍາໜ້າພະຄໍາຂອງພະເຈົ້າ,
ພວກເຮົາກໍ່ຈະຄັດຄ້ານຕໍ່ພະເຈົ້າ ໂດຍບໍ່ຮູ້ສຶກຕົວ. ພະຄໍາພີຍັງໄດ້ບັນທຶກໄວ້ວ່າ
ຜົນຂອງການບໍ່ເຊື່ອຟັງ ແມ່ນຄວາມໂກດຮ້າຍ ແລະ ການລົງໂທດຂອງພະເຈົ້າ.

ດັ່ງນັ້ນ, ສິ່ງສໍາຄັນ ສໍາລັບບັນດາຜູ້ເຊື່ອຖືໃນຄິດສະຕະຈັກຂອງພະເຈົ້າ
ຈຶ່ງບໍ່ແມ່ນກ່ຽວກັບໄລຍະເວລາ ທີ່ເຊື່ອໃນພະເຈົ້າ
ແຕ່ສິ່ງສໍາຄັນແມ່ນ ດຽວນີ້, ກໍາລັງເຊື່ອຟັງພະຄໍາຂອງພະເຈົ້າຫຼາຍສໍ່າໃດ.

ມາດຕະຖານຂອງຄວາມເຊື່ອ ແມ່ນຢູ່ໃນພະຄໍາພີເທົ່ານັ້ນ,
ດັ່ງນັ້ນ, ພວກເຮົາຕ້ອງເອົາໃຈໃສ່ ໃນພະຄໍາຂອງພະເຈົ້າພະບິດາ
ແລະ ພະເຈົ້າພະມານດາຢູ່ສະເໝີ.