Ki jinglong bad ki mariang bashimet ha ka jingim ka jingngeit
ka kylla khlem kut. Namarkata, kita kiba ngeit ha U Blei
ki dei barabor ban trei minot ban iaid ia ka lynti
jong ka jingngeit khlem da khih ha kino kino ki jinglong.
(Ka khana shaphang u briew ha u tyndong jngi,
uba la tuid jngai khlem da phikir na ka rud duriaw)
Lada uno uno ruh u hikai da kumwei, bad um kohnguh ia kita ki ktien bajanai jong U Jisu Khrist uba U Trai jong ngi bad ia kata ka jinghikai kaba katba kum ka jingriewblei, la pynsarong eh ia u, haba um tip ei ei ruh, hynrei u da skuin shaphang ki jingiasaid bad ki jingialeh ktien, na kiba ki mih ka jingbishni, ka jingiania, ki jingkren bein, ki jingtharai sniew, ki jingiasaid ki briew ba la pynpyut ha la ka jingmut, bad kibym don ka jingshisha . . . 1 Sha U Timothi 6:3-5
Haba ngi buh ha khmat ia ka jingiohmad jong ngi ha shuwa ka ktien U Blei,
ngi wan ban lyndet ia U Blei. Ka Baibl ka la thoh ruh
ba ka jingmih jong ka jingbymkohnguh ka dei ka jingbitar
bad ka jingpynshitom jong U Blei.
Namarkata, kaei kaba kongsan ia ki dkhot jong
ka Balang U Blei kam dei katno slem ki la ngeit ha U Blei
hynrei katno mynta ki iakohnguh ia ka ktien U Blei.
Ki jingthew jong ka jingkohnguh ki don tang ha ka Baibl,
kumta ngi dei ban pynleit jingmut barabor sha ki ktien
jong U Blei U Kpa bad Ka Blei Ka Kmie.
- Ka Tarik Buh
- 2019. 05. 22
- Ka Jingsngewlem
- 7
